ກອງປະຊຸມຝຶກອົບຮົມເພື່ອການເລືອກຕັ້ງສະມາຊິກສະພາແຫ່ງຊາດ ຊຸດທີ IX ແລະ ສະມາຊິກສະພາປະຊາຊົນແຂວງ ສາລະວັນ ຊຸດທີ II ທົ່ວເມືອງ ວາປີ.

ໃນຕອນເຊົ້າຂອງວັນທີ 8/1/2021 ທີ່ຜ່ານມານີ້,ຄະນະໂຄສະນາອົບຮົມເມືອງວາປີ ໄດ້ຈັດກອງປະຊຸມຝຶກອົບຮົມເພື່ອເລືອກຕັ້ງສະມາຊິກສະພາແຫ່ງຊາດຊຸດທີ IX ແລະ ສະມາຊິກສະພາປະຊາຊົນແຂວງ ສາລະວັນ ຊຸດທີ II ,ຂື້ນຢູ່ທີ່ສະໂມສອນໃຫ່ຍຂອງເມືອງ.ໂດຍໃຫ້ກຽດເປັນປະທານຂອງທ່ານ ສີເຮັງ ຫອມສົມບັດ ຮອງເລຂາພັກແຂວງ ຜູ່ປະຈຳການ ປະທານຄະນະສະມາຊິກສະພາແຫ່ງຊາດປະຈຳເຂດເລືອກຕັ້ງທີ 14 ແຂວງ ສາລະວັນ,ໃຫ້ກຽດເຂົ້າຮ່ວມຂອງທ່ານ ບຸນຍູ້ ຈັນທະລັງສີ ກຳມະການພັກແຂວງ ເລຂາພັກເມືອງ ເຈົ້າເມືອງໆວາປີ,ມີທ່ານຄະນະປະຈຳພັກເມືອງ,ຄະນະບໍລິຫານງານພັກເມືອງ,ຫົວໜ້າຫ້ອງການ,ພະນັກງານລັດຖະກອນທີ່ຢູ່ໃນການແຕ່ງຕັ້ງຂອງອະນຸກຳມະການເລືອກຕັ້ງສະມາຊິກສະພາປະຊາຊົນແຂວງ ຂັ້ນເມືອງ,ເລຂານາຍບ້ານ,ຮອງນາຍບ້ານໃນ 55 ບ້ານທົ່ວເມືອງຕະຫຼອດຮອດ ປກສ-ປກຊ ເຂົ້າຮ່ວມ.

ໃນກອງປະຊຸມ ທ່ານບຸນຍູ້ ຈັນທະລັງສີ ກຳມະການພັກແຂວງ ເລຂາພັກເມືອງ ເຈົ້າເມືອງໆວາປີໄດ້ໃຫ້ກຽດຂື້ນຜ່ານມະຕິກົມການເມືອງສູນກາງພັກສະບັບເລກທີ 118/ກມສພ,ລົງວັນທີ 7 ກັນຍາ 2020 ວ່າດ້ວຍ:ການເພີ່ມທະວີຊີ້ນຳ-ນຳພາຂອງຄະນະພັກຕໍ່ການເລືອກຕັ້ງສະມາຊິກສະພາແຫ່ງຊາດຊຸດທີ IX ແລະ ສະມາຊິກສະພາປະຊາຊົນແຂວງ ຊຸດທີ II.ການເລືອກຕັ້ງສະມາຊິກສະພາແຫ່ງຊາດ ແລະ ສະພາປະຊາຊົນແຂວງແມ່ນຂະບວນການປະຕິບັດໜ້າທີ່ການເມືອງ ແລະ ສິດປະຊາທິປະໄຕຂອງພົນລະເມືອງລາວໃນການເລືອກເອົາບຸກຄົນທີ່ມີມາດຕະຖານຄົບຖ້ວນເຂົ້າໃນສະພາແຫ່ງຊາດ ແລະ ສະພາປະຊາຊົນແຂວງເພື່ອເປັນຕົວແທນປະຕິບັດສິດ,ອຳນາດຂອງປະຊາຊົນບັນດາເຜົ່າ.

ຈາກນັ້ນທ່ານ ດົມວິໄລ ທອງສະຫວັນ ຮອງເລຂາພັກເມືອງຜູ້ຊີ້ນຳວຽກງານການເມືອງແນວຄິດພັກ-ພະນັກງານ ກໍ່ໄດ້ໃຫ້ກຽດຂື້ນຜ່ານເອກະສານເສີມຂະຫຍາຍສິດເປັນເຈົ້າຂອງປະຊາຊົນໃນການເລືອກຕັ້ງສະມາຊິກສະພາແຫ່ງຊາດ ແລະ ສະມາຊິກສະພາປະຊາຊົນແຂວງແມ່ນຂະບວນການປະຕິບັດໜ້າທີ່ການເມືອງ ແລະ ສິດປະຊາທິປະໄຕຂອງພົນລະເມືອງລາວ,ໃນການເລືອກເອົາບຸກຄົນຕາມ 5 ຫຼັກການພຶ້ນຖານ ແລະ ມາດຕະການຂອງຜູ້ສະໝັກຮັບເລືອກຕັ້ງ,ກຳນົດເວລາ,ລະບຽບການປ່ອນບັດ ແລະ ຂໍ້ຫ້າມຂອງຜູ້ມີສິດເລືອກຕັ້ງ.ຜູ້ມີສິດເລືອກຕັ້ງຕ້ອງມີອາຍຸ 18 ປີຂື້ນໄປ,ຜູ້ສະໝັກຮັບເລືອກຕັ້ງຕ້ອງມີອາຍຸ 21 ປີຂື້ນໄປ,ໃນກອງປະຊຸມກໍ່ໄດ້ຜ່ານຄຳແນະນຳກ່ຽວກັບການເລືອກຕັ້ງສະພາແຫ່ງຊາດ ແລະ ສະພາປະຊາຊົນແຂວງ,ໃນວາລະກອງປະຊຸມທ່ານ ກິແກ້ວ ໄຊຍະລາດ ຮອງເລຂາພັກເມືອງ ປະທານກວດກາພັກ-ລັດກໍ່ໄດ້ຂື້ນຜ່ານເອກະສານກ່ຽວກັບຂໍ້ຕົກລົງແຕ່ງຕັ້ງຄະນະກຳມະການເລືອກຕັ້ງຂັ້ນເມືອງ ສະບັບເລກທີ 603/ຈມ ວປ,ລົງວັນທີ 23/12/2020 ວ່າດ້ວຍ: ການຮັບຜິດຊອບການເລືອກຕັ້ງ ສະມາຊິກສະພາແຫ່ງຊາດ ແລະ ສະມະຊິກສະພາປະຊົນແຂວງ,ຂໍ້ຕົກລົງ ວ່າດ້ວຍ:ການແຕ່ງຕັ້ງອະນຸກຳມະການຊ່ວຍວຽກຂອງຄະນະກຳມະການຂັ້ນເມືອງ,ສະບັບເລກທີ 04/ຄລມ,ວປ,ລົງວັນທີ 23/12/2020.

ໃນກອງປະຊຸມ ແຕ່ລະທ່ານກໍ່ໄດ້ມີການແລກປ່ຽນບົດຮຽນ,ປະກອບຄຳຄິດຄຳເຫັນເຂົ້າໃສ່ບັ້ນກະກຽມໃນການປ່ອນບັດເລືອກຕັ້ງ ແລະ ທ່ານປະທານກອງປະຊຸມກໍ່ໄດ້ໂອ້ລົມຕໍ່ກອງປະຊຸມດ້ວຍຄວາມເປັນຫ່ວງເປັນໃຍ ແລະ ເນັ້ນໃຫ້ແຕ່ລະອະນຸມີຄວາມຮັບຜິດຊອບສູງເພື່ອເຮັດໃຫ້ຜົນການເລືຶອກຕັ້ງໃນຄັ້ງນິ້ມີຜົນສຳເລັດ.

ອອກ​ຈາກ REPLY ເປັນ

Please enter your comment!
Please enter your name here