ກອງປະຊຸມສະຫຼຸບວຽກງານກໍ່ສ້າງຮາກຖານ-ການເມືອງ ໄລຍະ11ເດືອນຜ່ານມາແລະທິດທາງແຜນການໃນຕໍ່ໜ້າ.

ໃນຕອນເຊົ້າຂອງວັນທີ 22 ທັນວາ 2020ນີ້, ຫ້ອງວ່າການ ເມືອງ ວາປີ ໄດ້ຈັດກອງປະຊຸມສະຫຼຸບວຽກງານກໍ່ສ້າງຮາກຖານ-ການເມືອງ ໄລຍະ 11 ເດືອນຜ່ານມາ ແລະ ທິດທາງແຜນການ ໃນຕໍ່ໜ້າ. ຢູ່ທີ່ຫ້ອງປະຊຸມຂອງຫ້ອງວ່າການຂອງເມືອງ ໂດຍໃຫ້ກຽດເປັນປະທານຂອງທ່ານ ດົມວິໄລ ທອງສະຫວັນ ຮອງເລຂາພັກເມືອງ ຜູ້ຊີ້ນໍາວຽກງານແນວຄິດພັກ-ພະນັກງານ ແລະ ວຽກງານກໍ່ສ້າງຮາກຖານ, ມີຄະນະປະຈຳພັກເມືອງ, ກໍາມະການພັກເມືອງ, ຫົວໜ້າຫ້ອງການ, ຮອງຫ້ອງການ, ຄະນະພັກຮາກຖານເຂົ້າຮ່ວມ.

     ກອງປະຊຸມໄດ້ຜ່ານບົດສະຫຼຸບວຽກງານກໍ່ສ້າງຮາກຖານ-ການເມືອງ ໄລຍະ 11 ເດືອນ ຜ່ານມາ ຈາກນັ້ນບັນດາແຂກທີ່ເຂົ້າຮ່ວມກອງປະຊຸມໄດ້ມີການແລກປ່ຽນ ແລະ ປະກອບຄໍາຄິດຄຳເຫັນຢ່າງກົງໄປກົງມາໃສ່ຮ່າງບົດສະຫຼຸບ ແລະ ແຜນໃນຕໍ່ໜ້າຢ່າງມີເຫດ, ມີຜົນ ຮັບຮອງເອົາ ແລະ ສືບຕໍ່ສ້າງນາມມະຍຸດຕ່າງໆພາຍໃນເມືອງທີ່ຍັງຄົງຄ້າງຈຳນວນ 44 ບ້ານໃຫ້ສໍາເລັດ ໂດຍປະຕິບັດ ຕາມແນວທາງນະໂຍບາຍຂອງພັກ ກ່ຽວກັບວຽກງານກໍ່ສ້ງຮາກຖານ-ການເມືອງ, ພັດທະນາຊົນນະບົດຮອບດ້ານ ແລະ ລຶບລ້າງຄວາມທຸກຍາກ ທີ່ວາງອອກໃນມະຕິກອງປະຊຸມໃຫ່ຍຄັ້ງທີ 10 ຂອງພັກ, ກໍ່ຄືມະຕິ ເລກທີ 03 ຂອງກົມການເມືອງສູນກາງພັກ ວ່າດ້ວຍ ການສ້າງແຂວງເປັນຫົວໜ່ວຍຍຸດທະສາດ, ສ້າງເມືອງເປັນຫົວໜ່ວຍເຂັ້ມແຂງຮອບດ້ານ ແລະ ສ້າງບ້ານເປັນຫົວໜ່ວຍພັດທະນາ, ຄໍາສັ່ງແນະນໍາເລກທີ 03/ກມສພ ວ່າດ້ວຍ ສ້າງບ້ານເປັນຫົວໜ່ວຍພັດທະນາ, ສ້າງບ້ານໃຫ່ຍໃຫ້ກາຍເປັນຕົວເມືອງນ້ອຍໃນຊົນນະບົດ ແລະ ບັນດາມະຕິ,ຄຳສັ່ງ ບົດແນະນໍາຕ່າງໆ ຂອງສູນກາງ, ຂອງແຂວງ, ຂອງເມືອງ ກ່ຽວກັບການສ້າງບ້ານ ແລະ ກຸ່ມບ້ານພັດທະນາ ຕິດພັນກັບການແກ້ໄຂຄວາມທຸກຍາກຂອງປະຊາຊົນ, ຄະນະພັກອໍານາດການປົກຄອງທຸກຂັ້ນຕ້ອງສຸມທຸກສະຕິປັນຍາເຂົ້າໃສ່ໃນການ ຈັດຕັ້ງປະຕິບັດວຽກງານຕົວຈິງ ໂດຍຫັນເອົາ ພະນັກງານຫຼັກແຫຼ່ງແກ່ນສານ ລົງຊຸກຍູ້-ນໍາພາກໍ່ສ້າງຮາກຖານປະຈຳແຕ່ລະກຸ່ມບ້ານ ທັງໝົດ 25 ສະຫາຍ, ຍິງ 1 ສະຫາຍ ໂດຍອີງໃສ່ ແຜນຍຸດທະສາດຫັນລົງຊຸກຍູ້ວຽກງານກໍ່ສ້າງຮາກຖານ-ການເມືອງ ໃນໄລຍະໃໝ່ຂອງພັກ. ໄດ້ແຕ່ງຕັ້ງພະນັກງານຈຳນວນໜື່ງ ລົງຕິດຕາມຊຸກຍູ້ ວຽກຮອບດ້ານຊ່ວຍເລຂາ-ນາຍບ້ານໃນ 13 ບ້ານ ແລະ 4 ບ້ານຈຸດສຸມໃຫ່ຍຄື: ບ້ານ ວາປີ, ບ້ານ ນາສຽດ, ບ້ານ ຄອນສາຍ ແລະ ຈຸດສຸມກຸ່ມ 4, ບ້ານ ນາລັນ ນອກຈາກນັ້ນ ຍັງໄດ້ລົງເຄື່ອນໄຫວຊຸກຍູ້ ບ້ານນາມມະຍຸດແບບຢ່າງ,ຕິດພັນກັບວຽກງານສາມສ້າງສຳເລັດ 11 ບ້ານຄື:ເຂດທົ່ງພຽງ ມີ 8 ບ້ານຄື:ບ້ານຫາດ,ບ້ານເລົ້າ,ບ້ານແກ້ງກຸ,ບ້ານແກ້ງນ້ອຍ,ບ້ານນາຮອງຂາມ,,ບ້ານນາຊັນ,ບ້ານໂພນແພງ, ແລະ ບ້ານສີມ, ເຂດພູດອຍມີ 3ບ້ານຄື:ກອງລືໃຫຍ່, ນາລັນ,ນາຕະປຽງ,ສໍາເລັດການເປີດກອງປະຊຸມຜ່ານແຜນການເຄື່ອນໄຫວປະຈໍາປີ 2020 ແລະ ວາງທິດທາງປີ 2020-2024,ມະຕິແຕ່ງຕັ້ງພະນັກງານລົງກໍ່ສ້າງຮາກຖານ ແລະ ມະຕິຖອນພະນັກງານກັບຄືນກົມກອງ ຈໍານວນ 53 ສະຫາຍ,ຍິງ 2 ສະຫາຍ.ລົງປະເມີນຄືນມາດຖານບ້ານພົ້ນທຸກ ແລະ ບ້ານພັດທະນາ ຕາມດໍາລັດ 348/ລບ, ມາດຖານພັດທະນາຕາມດໍາລັດ 348/ລບ ໃນ 55 ບ້ານທົ່ວເມືອງ ໃນຂັ້ນf1ສໍາເລັດ.

    ໃນຕອນທ້າຍ ທ່ານປະທານ ກໍ່ໄດ້ໃຫ້ກຽດມີຄໍາເຫັນຕໍ່ກອງປະຊຸມໄດ້ຊີ້ນໍາວຽກງານແຕ່ລະຂົງເຂດທີ່ຕົນຮັບຜິດຊອບປະຕິບັດໃຫ້ຖືກຕ້ອງ ແລະ ສອດຄ່ອງກັບຈຸດພິເສດເງື່ອນໄຂທ່າແຮງຄວາມສາມາດຂອງແຕ່ລະທ້ອງຖິ່ນ ແລະ ກົມກອງຂອງຕົນ.

ອອກ​ຈາກ REPLY ເປັນ

Please enter your comment!
Please enter your name here