ກອງປະຊຸມເປີດກ້ວາງຄົບຄະນະບໍລິຫານງານພັກເມືອງ ວາປີ ຄັ້ງທີ 4 ສະໃໝທີ VIII.

     ກອງປະຊຸມເປີດກ້ວາງຄົບຄະນະບໍລິຫານງານພັກເມືອງ ວາປີ ຄັ້ງທີ 4 ສະໃໝທີ VIII ໄດ້ໄຂຂື້ນໃນຕອນເຊົ້າຂອງວັນທີ 3-4 ກຸມພາ 2021 ທີ່ຜ່ານມານີ້ ຢູ່ທີ່ສະໂມສອນໃຫ່ຍຂອງເມືອງ. ໂດຍພາຍໃຕ້ການເປັນປະທານຂອງທ່ານ ບຸນຍຍູ້ ຈັນທະລັງສີ ກຳມະການພັກແຂວງ ເລຂາພັກເມືອງ ເຈົ້າເມືອງໆ ວາປີ ເຂົ້າຮ່ວມມີບັນດາທ່ານຮອງເລຂາພັກເມືອງ, ຄະນະປະຈຳພັກເມືອງ, ກຳມະການພັກເມືອງ, ຫົວໜ້າຫ້ອງການ-ຮອງຫ້ອງການອ້ອມຂ້າງເມືອງ, ຫົວໜ້າລັດວິສາຫະກິດທັງພາກລັດແລະເອກະຊົນ ແລະ ເລຂາໜ່ວຍພັກບ້ານ-ນາຍບ້ານ ໃນທົ່ວເມືອງ ວາປີເຂົ້າຮ່ວມ.

     ໃນວາລະການດຳເນີນກອງປະຊຸມຄັ້ງນີ້ທ່ານ ບຸນຍຍູ້ ຈັນທະລັງສີ ກຳມະການພັກແຂວງ ເລຂາພັກເມືອງ ເຈົ້າເມືອງໆ ວາປີ ທ່ານໄດ້ມີຄຳເຫັນກ່າວເປີດກອງປະຊຸມ ເຊີ່ງທ່ານໄດ້ກ່າວວ່າກອງປະຊຸມເປີດກ້ວາງຄົບຄະນະບໍລິຫານງານພັກເມືອງ ວາປີ ຄັ້ງທີ 4 ສະໃໝທີ VIII ນີ້ແມ່ນເພື່ອເປັນການສະຫຼຸບຕີລາຄາຄືນການນໍາພາ-ຊີ້ນໍາການຈັດຕັ້ງປະຕິບັດບັນດາໜ້າວຽກໃນຂົງເຂດຕ່າງໆຂອງຄະນະພັກ-ຄະນະບໍລິຫານງານພັກເມືອງ ວາປີ ໃນໄລບະ 1 ປີ 2020 ຜ່ານມາ ແລະ ວາງທິດທາງແຜນການປີ 2021 ກ່ຽວກັບການຜັັນຂະຫຍາຍມະຕິກອງປະຊຸມໃຫ່ຍ ຄັ້ງທີ VIII ຂອງອົງຄະນະພັກເມືອງ ວາປີ ທີ່ໄດ້ວາງອອກ. ພ້ອມນີ້ທ່ານຍັງເນັ້ນໜັກຕື່ມອີກວ່າບັນດາທ່ານທີ່ເຂົ້າຮ່ວມກອງປະຊຸມເປີດກ້ວາງຄົບຄະນະບໍລິຫານງານພັກເມືອງ ວາປີ ຄັ້ງທີ 4 ນີ້ ຕ້ອງຍົກເອົາບັນຫາທີ່ສຳຄັນອັນພົ້ນເດັ່ນ ແລະ ບັນຫາທີ່ຍັງຄົງຄ້າງຢູ່ແຕ່ລະຂົງເຂດວຽກງານໃນປີ 2020 ຜ່ານມາ ເພື່ອຄົ້ນຄ້ວາປະກອບຄຳຄິດຄຳເຫັນ, ຕີລາຄາຄືນຕໍ່ກັບສະພາບການ, ປາກົດການຫຍໍ້ທໍ້ຕ່າງໆທີ່ເກີດຂື້ນໃນສັງຄົມປະຈຸບັນເປັນຕົ້ນ ການສືບຕໍ່ເຜົ້າລະວັງການຕ້ານ ແລະ ສະກັດກັ້ນການລະບາດຂອງພະຍາດໂຄວິດ 19, ການສ້າງຖານຂໍ້ມູນທີ່ດິນທີ່ຍັງເຮັດບໍ່ທັນບັນລຸຕາມຄາດໝາຍທີ່ວາງໄວ້. ການລັກລອບຊື້ຂາຍຢາເສບຕິດ, ຂີ້ລັກງັດແງະ ແລະ ອື່ນໆ ເພື່ອຮັບປະກັນເຮັດໃຫ້ບັນດາປາກົດການຫຍໍ້ທໍ້ຕ່າງໆເຫຼົ່ານີ້ທີ່ເກີດຂື້ນໃຫ້ຫຼຸດໜ້ອຍຖອຍລົງເທື່ອລະກ້າວ. ຈາກນັ້ນບັນດາທ່ານທີ່ເຂົ້າຮ່ວມກອງປະຊຸມກໍ່ຍັງໄດ້ຮັບຟັງການຜ່ານບົດສະຫຼຸບຕີລາຄາການນຳພາຮອບດ້ານປີ 2020  ແລະ ທິດທາງແຜນການ ປີ 2021 ຈາກທ່ານ ກິແກ້ວ ໄຊຍະລາດ ຮອງເລຂາພັກເມືອງ ປະທານກວດກາພັກ-ລັດ ເມືອງ. ເຊີ່ງທ່ານໄດ້ຍົກໃຫ້ເຫັນໃນແຕ່ລະຂົງເຂດວຽກງານແມ່ນມີຫຼາຍດ້ານທີ່ປະສົບຜົນສຳເລັດຕາມລະດັບຄາດໝາຍ ແລະ ຍັງມີບາງດ້ານທີ່ຈະຕ້ອງໄດ້ສືບຕໍ່ຈັດຕັ້ງປະຕິບັດໃຫ້ບັນລຸຕາມແຜນການກຳນົົດໄວ້ໃນແຜນປີ 2021 ເປັນຕົ້ນ ຂົງເຂດວຽກງານປ້ອງກັນຊາດ-ປ້ອງກັນຄວາມສະເຫງົບ ໃນໄລຍະ 1 ປີຜ່ານມາທົ່ວເມືອງມີຄະດີເກີດຂື້ນທັງໝົດ 139 ເລື່ອງ ໃນນັ້ນແກ້ໄຂແລ້ວ 74 ເລື່ອງ, ຍັງສືບຕໍ່ແຫເໄຂ 65 ເລື່ອງ, ຂົງເຂດວຽກງານເສດຖະກິດໃນໄລຍະ 2020 ຜ່ານມາສາມາດເກັບລາຍຮັບເຂົ້າງົບປະມານໄດ້ 3.34 ຕື້ກວ່າກີບລື່ນແຜນການປີ 17 ກ່ວາສ່ວນຮ້ອຍ. ຂົງເຂດວຽກງານການເມືອງ ທົ່ວເມືອງ ມີໜ່ວຍພັກທັງໝົດ 107ໜ່ວຍ, ມີ 3 ຄະນະພັກຮາກຖານ, ມີສະມາຊິກທັງໝົດ 1.200 ກວ່າສະຫາຍ, ຍິງ 300 ກວ່າສະຫາຍ ແລະຂົງເຂດວຽກງານອື່ນໆກໍ່ມີຜົນສໍາເລັດເຊັ່ນດຽວກັນ. ເຊີ່ງກອງປະຊຸມເປີດກ້ວາງຄົບຄະນະບໍລິຫານງານພັກເມືອງ ວາປີ ຄັ້ງທີ 4 ສະໃໝທີ VIII ຄັ້ງນີ້ແມ່ນໄດ້ດໍາເນີນເປັນເວລາ 2 ວັນຈື່ງສຳເລັດ.

ອອກ​ຈາກ REPLY ເປັນ

Please enter your comment!
Please enter your name here