ຜູ້ສະໝັກຮັບເລືອກຕັ້ງສະມາຊິກສະພາແຫ່ງຊາດ ສືບຕໍ່ລົງຫາສຽງຢູ່ເມືອງວາປີ

     ໃນຕອນເຊົ້າຂອງວັນທີ 15 ກຸມພາ 2021 ນີ້, ຢູ່ທີ່ສະໂມສອນເມືອງໃຫ່ຍຂອງເມືອງ ວາປີ, ຜູ້ສະໝັກຮັບເລືອກຕັ້ງສະມາຊິກສະພາແຫ່ງຊາດ ສືບຕໍ່ລົງຫາສຽງຢູ່ເມືອງວາປີນຳໂດຍ ທ່ານ ສີເຮັ່ງ ຫອມສົມບັດ ຮອງເລຂາພັກແຂວງ ຜູ້ສະໝັກນ້ຳເບີ 1, ຫົວໜ້າຄະນະທິມງານ ພ້ອມດ້ວຍຄະນະ, ມີ ທ່ານ ຈັນສະໝອນ ພົມມະແສງ ຄະນະປະຈໍາພັກແຂວງ ຫົວໜ້າຄະນະໂຄສະນາອົບຮົມແຂວງ, ທ່ານ ສົມໃຈ ອຸ່ນຈິດ ຄະນະປະຈຳພັກແຂວງ ຮອງເຈົ້າແຂວງ ຜູ້ຊີ້ນວຽກງານວັດທະນະທຳ-ສັງຄົມ, ທ່ານ ບຸນຍູ້ ຈັນທະລັງສີ ເລຂາພັກເມືອງ ເຈົ້າເມືອງໆວາປີ ແລະ ຄະນະປະຈໍາພັກແຂວງ, ກຳມະການພັກແຂວງ, ການນຳຂັ້ນເມືອງ, ພະນັກງານຫຼັກແຫຼ່ງ ແລະ ອໍານາດການປົກຄອງບ້ານເທສະບານເຂົ້າຮ່ວມ.

      ໃນໂອກາດທີ່ຜູ້ສະໝັກເລືອກຕັ້ງສະມາຊິກສະພາແຫ່ງຊາດ ທີ່ລົງໂຄສະນາຫາສຽງຄັ້ງນີ້ ບັນດາທ່ານກໍ່ໄດ້ຮັບຟັງການ ລາຍງານວຽກງານດ້ານຕ່າງໆໂດຍຫຍໍ້ ຈາກທ່ານ ບຸນຍູ້ ຈັນທະລັງສີ ເລຂາພັກເມືອງ ເຈົ້າເມືອງໆວາປີເຊິ່ງທ່ານໄດ້ໃຫ້ຮູ້ວ່າ ປະຈຸບັນສະພາບການຕ່າງໆໃນທົ່ວເມືອງແມ່ນມີຄວາມສະຫງົບ,ຄວາມເປັນລະບຽບຮຽບຮ້ອຍໂດຍພື້ນຖານ.ເຊີ່ງໃນທົ່ວເມືອງ ຜູ້ມີສິດປ່ອນບັດເລືອກຕັ້ງທັງໝົດ 21.203 ຄົນ, ມີໜ່ວຍປ່ອນບັດທັງໝົດ 26 ໜ່ວຍ.

     ການລົງຫາສຽງຄັ້ງນີ້, ບັນດາທ່ານຜູ້ສະໝັກ ຈຳນວນ 12 ທ່ານ ກໍ່ໄດ້ສະແດງຄວາມຢື້ຢາມຖາມຂ່າວ ແລະ ສະເໜີໂຕ, ແນະນຳຕົນເອງ, ຊື່-ປະຫວັດການເຄື່ອນໄຫວ, ໜ້າທີ່ຄວາມຮັບຜິດຊອບ. ກ່ອນອື່ນຜູ້ເຂົ້າຮ່ວມ ກໍ່ໄດ້ຮັບຟັງຈຸດປະສົງ, ຄວາມໝາຍຄວາມສຳຄັນໃນບັ້ນເລືອກຕັ້ງຄັ້ງນີ້ ກໍ່ເພື່ອເປັນການປັບປຸງລະບອບປະຊາທິປະໄຕ ຈາກປະຊາຊົນ ໂດຍປະຊາຊົນ ແລະ ເພື່ອຜົນປະໂຫຍດຂອງປະຊາຊົນ, ເປັນພາກສ່ວນໜື່ງໃນການປັບປຸງດ້ານບຸກຄະລາກອນຂອງສະພາແຫ່ງຊາດ ທັງເປັນຄວາມຮັບຜິດຊອບຂອງທົ່ວປວງຊົນ. ຈາກນັ້ນ, ບັນດາທ່ານ ກໍ່ໄດ້ສະເໜີຈຸດປະສົງ, ເຈດຈຳນົງ ແລະ ແນວຄວາມຄິດ ໃນວຽກງານທີ່ຕົນຮັບຜິດຊອບ ທີ່ຈະສ້າງເງື່ອນໄຂ, ນຳສະເໜີຕໍ່ສະພາແຫ່ງຊາດ ເພື່ອຂົນຂວາຍດຶງດູດ ໃນການສ້າງສາພັດທະນາວຽກງານດັ່ງກ່າວ ແລະ ຊ່ວຍຊຸກຍູ້ຜັກດັນການພັດທະນາແຂວງສາລະວັນ ກໍ່ຄືເມືອງວາປີ ໃຫ້ມີຄວາມຮຸ່ງເຮືອງຂື້ນກວ່າເກົ່າ.

      ການລົງເຄື່ອນໄຫວຫາສຽງຢູ່ເມືອງວາປີ ແຂວງສາລະວັນ ແມ່ນໄດ້ກຳນົດເອົາ 3 ຈຸດ ຄື: ຈຸດທີ 1 ແມ່ນຢູ່ເທສະບານເມືອງ, ຈຸດທີ 2 ເຂດບ້ານນາສຽດ ແລະ ເຂດບ້ານວາປີ, ເພື່ອພົບປະພະນັກງານ, ທະຫານ, ຕຳຫຼວດ, ພໍ່ແມ່ປະຊາຊົນ ແລະ ຜູ້ມີສິດປ່ອນບັດເລືອກຕັ້ງ ໄປໃຊ້ສິດປ່ອນບັດເລືອກຕັ້ງເອົາ ສສຊ ຊຸດທີ IX ປະຈຳເຂດເລືອກຕັ້ງທີ 14 ແຂວງສາລະວັນ ໃນວັນທີ 21 ກຸມພາ 2021 ນີ້.

ອອກ​ຈາກ REPLY ເປັນ

Please enter your comment!
Please enter your name here