ຜູ້ສະໝັກ ສ ສ ຂ ເຂດເລືອກຕັ້ງເມືອງວາປີ ເຄື່ອນໄຫວ ໂຄສະນາຫາສຽງ.

ໃນຕອນເຊົ້າວັນທີ 9 ກຸມພາ 2021 ນີ້.ຢູ່ທີ່ສະໂມສອນຂອງເມືອງວາປີ ແຂວງສາລະວັນ ຜູ້ສະໝັກເລືອກຕັ້ງສະ ມາຊິກສະພາປະຊາຊົນແຂວງສາລະວັນ ຊຸດທີ ll ເຂດເລືອກຕັ້ງເມືອງວາປີ ນຳໂດຍທ່ານ ດົມວິໄລ ທອງສະຫັວນ ຮອງເລຂາພັກເມືອງ ຜູ້ຊີ້ນຳວຽກງານແນວຄິດ,ວຽກພັກພະນັກງານ ແລະ ກໍ່ສ້າງຮາກຖານການເມືອງໆວາປີ ພ້ອມຄະນະ ໄດ້ເຄື່ອນໄຫວໂຄສະນາຫາສຽງຢູ່ຈຸດເທດສະບານເມືອງວາປີ. ເຂົ້າຮ່ວມຮັບຟັງການໂຄສະນາຫາສຽງຂອງຜູ້ສະໝັກເລືອກຕັ້ງສະມາຊິກສະພາປະຊາຊົນແຂວງສາລະວັນໃນຄັ້ງນີ້ ມີບັນດາທ່ານໃນຄະນະປະຈໍາພັກເມືອງ, ກຳ ມະການພັກເມືອງ,ຫົວໜ້າຫ້ອງການ-ຮອງຫ້ອງການ,ສະ ມາຊິກພັກ-ພະນັກງານລັດຖະກອນ,ນາຍ ແລະ ພົນທະ ຫານ,ນາຍ ແລະ ພົນຕຳຫຼວດ ຕະຫຼອດຮອດເລຂາໜ່ວຍພັກບ້ານ-ນາຍບ້ານ ແລະ ອົງການຈັດຕັ້ງຕ່າງໆຂອງບ້ານພາຍໃນເທດສະບານເມືອງວາປີເຂົ້າຮ່ວມ.

      ໃນໂອກາດທີ່ຜູ້ສະໝັກເລືອກຕັ້ງສະມາຊິກສະພາປະ ຊາຊົນແຂວງສາລະວັນ ຊຸດທີ ll ເຂດເລືອກຕັ້ງເມືອງວາປີ ທີ່ລົງໂຄສະນາຫາສຽງຄັ້ງນີ້ ບັນດາທ່ານກໍ່ໄດ້ຮັບຟັງການ ລາຍງານວຽກງານດ້ານຕ່າງໆໂດຍຫຍໍ້ ຈາກທ່ານ ທິນນະກອນ ແສງອຸໄທ ຮອງເຈົ້າເມືອງໆວາປີ ຜູ້ຊີ້ນໍາວຽກງານເສດ ຖະກິດ ເຊິ່ງທ່ານໄດ້ໃຫ້ຮູ້ວ່າ ປະຈຸບັນສະພາບການຕ່າງໆໃນທົ່ວເມືອງແມ່ນມີຄວາມສະຫງົບ,ຄວາມເປັນລະບຽບຮຽບຮ້ອຍໂດຍພື້ນຖານ.ບັນດາທ່ານຄະນະພັກ. ຄະນະນຳແຕ່ລະຂັ້ນ ນັບແຕ່ຂັ້ນເມືອງ ລົງຮອດຂັ້ນບ້ານແມ່ນໄດ້ເພີ້ມ ທະວີຄວາມເອົາໃຈໃສ່ຢ່າງເຂັ້ມງວດຕໍ່ກັບວຽກງານປ້ອງ ກັນຊາດ – ປ້ອງກັນຄວາມສະຫງົບເພື່ອເຮັດໃຫ້ໃນບັ້ນເລືອກຕັ້ງສະມາຊິກສະແຫ່ງຊາດ ຊຸດທີ lX ແລະ ສະພາປະຊາຊົນແຂວງ ຊຸດທີ ll ມີຄວາມສະຫງົບປອດໄພ.ການຈັດດກັບລາຍຮັບເຂົ້າງົບປະມານຜ່ານມາສາມາດເກັບໄດ້ 3ຕື້ກວ່າກີບ ລື່ນແຜນການ 17ກວ່າສ່ວນຮ້ອຍ.ປະຕິບັດລາຍຈ່າຍໄດ້ 25ຕື້ກວ່າກີບ ເທົ່າກັບ 95ສ່ວນຮ້ອຍ ຂອງແຜນການ.ຕິດຕາມຊຸກຍູ້ບັນດາໂຄງການຕ່າງໆທີ່ສະພາຮັບຮອງໃນ 56 ໂຄງການ ມີມູນຄ່າທັງໝົດ 117 ຕື້ກວ່າກີບ ປະຈຸບັນສຳເລັດ ຮ້ອຍສ່ວນຮ້ອຍ.ຕິດຕາມຊຸກຍູ້ການຜະລິດເຂົ້ານາປີຂອງປະຊາຊົນໃນທົ່ວເມືອງໄດ້ທັງໝົດໃນເນື້ອທີ່ 10ພັນກວ່າເຮັກຕາ ສະມັດຖະພາບ ສະເລ່ຍໃຫ້ໄດ້ 3,9ໂຕນຕໍ່ເຮັກຕາ.ປະຈຸບັນເມືອງວາປີໄດ້ສຳເລັດການແຕ່ງ ຕັ້ງຄະນະກຳມະການເລືອກຕັ້ງຂັ້ນເມືອງ,ສຳເລັດການແຕ່ງ ຕັ້ງຄະນະຮັບຜິດຊອບໜ່ວຍບັດເລືອກຕັ້ງໃນແຕ່ລະຈຸດ. ໂດຍກຳນົດໜ່ວຍປ່ອນບັດດລືອກຕັ້ງຢຸ່ 26 ໜ່ວຍບັດ ແລະ ບັນດາວຽກງານອື່ນໆທີ່ກ່ຽວພັນກັບວຽກງານການເລືອກຕັ້ງສະມາຊິກສະພາແຫ່ງຊາດ ຊຸດທີ lX ແລະ ສະພາປະຊາຊົນຂັ້ນແຂວງ ຊຸດທີ ll.

       ພາຍຫຼັງທີ່ສຳເລັດການລາຍງານແລ້ວ ບັນດາທ່ານຜູ້ທີ່ສະໝັກເລືອກຕັ້ງສະມາຊິກສະພາປະຊາຊົນແຂວງສາລະວັນ ຊຸດທີll ເຂດເລືອກຕັ້ງເມືອງວາປີ ກໍໄດ້ແນະນຳພ້ອມທັງສະເໜີຕົນເອງ ນັບແຕ່ນ້ຳເບີ 1 ຈົນຮອດນ້ຳເບີສຸດທ້າຍ ເຊິ່ງບັນດາຜູ້ສະໝັກເລືອກຕັ້ງສະມາຊິກສະພາປະຊາຊົນແຂວງສາລະວັນ ຊຸດທີ ll ເຂດເລືອກຕັ້ງເມືອງວາປີ ແມ່ນມີທັງໝົດ 5 ທ່ານ ໃນນັ້ນ ຜູ້ສະມັກເລືອກຕັ້ງທີ່ມາຈາກແຂວງມີ 3 ທ່ານ,ຜູ້ສະໝັກເລືອກຕັ້ງຢູ່ເມືອງ 2 ທ່ານ.ເຊິ່ງການລົງໂຄສະນາຫາສຽງຂອງບັນດາຜູ້ສະໝັກເລືອກຕັ້ງສະມາຊິກສະພາປະຊາຊົນແຂວງສາລະວັນ ຊຸດທີ ll ເຂດເລືອກຕັ້ງເມືອງວາປີ ແມ່ນຍັງຈະໄດ້ສືບຕໍ່ໂຄສະນາຫາສຽງຢູ່ຕາມຈຸດຕ່າງໆຂອງເມືອງວາປີຕື່ມອີກ.

ອອກ​ຈາກ REPLY ເປັນ

Please enter your comment!
Please enter your name here