ພິທີມອບ-ຮັບເຄື່ອງຊ່ວຍເຫຼືອລ້າສຳລັບຄົວເຮືອນທຸກຍາກທີ່ເມືອງ ວາປີ

ໃນຄັ້ງ ວັນທີ 15 ທັນວາ 2020 ຫ້ອງການສະຫະພັນແມ່ຍິງເມືອງ ວາປີ ໄດ້ຈັດພິທີມອບ-ຮັບເຄື່ອງຊ່ວຍເຫຼືອລ້າສຳລັບຄົວເຮືອນທຸກຍາກໃນ 28 ຄອບຄົວ,ມີ 7 ບ້ານຄື:ບ້ານລານ,ບ້ານນ້ອຍເຊ,ບ້ານຫີນດານ,ບ້ານເກາະຊອງ,ບ້ານສີມ,ບ້ານໜອງບົວ ແລະ ບ້ານກອງລຶໃຫ່ຍ. ຢູ່ທີ່ຫ້ອງປະຊຸມຂອງຫ້ອງວ່າການປົກຄອງເມືອງ ໂດຍພາຍໃຕ້ການເປັນປະທານຂອງທ່ານ ດົມວິໄລ ທອງສະຫວັນ ຮອງເລຂາພັກເມືອງ ຜູ້ຊີ້ນຳວຽກງານແນວຄິດ, ພັກ-ພະນັກງານ ແລະ ວຽກງານກໍ່ສ້າງຮາກຖານ, ທ່ານນາງ ວິໄລພອນໄຊຍະເສນ ປະທານສະຫະພັນແມ່ຍິງ ເມືອງ ວາປີ ໃຫ້ກຽດເຂົ້າຮ່ວມຂອງທ່ານນາງ ດວງມາລາ ສີສະໝຸດ ຮອງປະທານສະຫະພັນແມ່ຍິງແຂວງ ສາລະວັນ, ທ່ານ ນາງ ວິໄລວັນ ແກ້ວປະເສີດຮອງຫົວໜ້າກົມແຜນການ ແລະ ການຮ່ວມມື ທັງເປັນຜູ້ປະສານງານໂຄງການ ແລະ ຕະຫຼອດຮອດ ເລຂາໜ່ວຍພັກນາຍບ້ານ ພ້ອມດ້ວຍພໍ່ແມ່ປະຊາຊົນຄອບຄົວທຸກຍາກເຂົ້າຮ່ວມ.

 ເຄື່ອງທີ່ນໍາມາມອບໃນຄັ້ງນີ້ແມ່ນໄດ້ຮັບການຊ່ວຍເຫຼືອລ້າຈາກໂຄງການສະຫາປະຊາຊາດເພື່ອການພັດທະນາ ຫຼື ໂຄງການ UN ມາມອບໃຫ້ຄອບຄົວທຸກຍາກ ຢູ່ເມືອງ ວາປີ ໃນຈຳນວນ 28 ຄອບຄົວ ເຊິ່ງໄດ້ປະກອບມີເຄື່ອງບໍລິໂພກ ແລະ ອຸປະໂພກເປັນຕົ້ນ ເຂົ້າສານ, ໝີ່, ປາກະປ໋ອງ, ເກືອ, ນ້ຳຕານ, ນໍ້າມັນພືດ ແລະ ປະເພດເຄື່ອງສຸຂະອະນາໄມ ລວມມູນຄ່າທັງໝົດ 10,570,000 ກີບ ຈາກນັ້ນຕາງໜ້າຄະນະນຳຂັ້ນເມືອງ ແລະ ຜູ້ປະສານງານໂຄງການພ້ອມດ້ວຍຕາງໜ້າໃຫ້ໂຄງການກໍ່ໄດ້ມອບເຄື່ອງຊ່ວຍເຫຼືອໃຫ້ຄອບຄົວທຸກຍາກໄດ້ຢ່າງທົ່ວເຖິງ ເພື່ອເປັນການບັນເທົາທຸກໃຫ້ຄອບຄົວທີ່ທຸກຍາກ ທີ່ຖືກຜົນກະທົບຈາກໄຟນ້ຳຖ້ວມໃນປີຜ່ານມາ.