ເມືອງວາປີ ໄດ້ຈັດພິທີຕ້ອນຮັບຜູ້ແທນທີ່ກັບມາຈາກການເຂົ້າຮ່ວມກອງປະຊຸມໃຫ່ຍຜູ້ແທນທົ່ວປະເທດ ຄັ້ງທີ XI ຂອງພັກປະຊາຊົນປະຕິວັດລາວ.

ໃນຕອນເຊົ້າຂອງວັນທີ 19 ມັງກອນ 2021,ຢູ່ທີ່ຫ້ອງຮັບຮອງຂອງຫ້ອງວ່າການ,ເມືອງວາປີ ໄດ້ຈັດພິທີຕ້ອນຮັບຜູ້ແທນທີ່ກັບມາຈາກການເຂົ້າຮ່ວມກອງປະຊຸມໃຫ່ຍຜູ້ແທນທົ່ວປະເທດຄັ້ງທີ XI ຂອງພັກປະຊາຊົນປະຕິວັດລາວ, ໂດຍມີທ່ານ ບຸນຍູ້ ຈັນທະລັງສີ ກຳມະການພັກແຂວງ ເລຂາພັກເມືອງ ເຈົ້າເມືອງໆວາປີ,ເຊີ່ງໃຫ້ກຽດຕ້ອນຮັບໂດຍທ່ານ ດົມວິໄລ ທອງສະຫວັນ ຮອງເລຂາພັກເມືອງ ຜູ້ຊີ້ນຳວຽກງານແນວຄິດວຽກພັກ-ພະນັກງານ ແລະກໍ່ສ້າງຮາກຖານ, ມີທ່ານຄະນະປະຈຳພັກເມືອງ,ກຳມະການພັກເມືອງ,ຫົວໜ້າຫ້ອງການ,ຮອງຫ້ອງການເຂົ້າຮ່ວມ.

ໃນກອງປະຊຸມ ທ່ານ ບຸນຍູ້ ຈັນທະລັງສີ ກຳມະການພັກແຂວງ ເລຂາພັກເມືອງ ເຈົ້າເມືອງໆວາປີ,ໄດ້ຍົກໃຫ້ເຫັນເຖີງຜົນສຳເລັດຂອງກອງປະຊຸມໃຫ່ຍ ຄັ້ງທີ XI ຂອງພັກປະຊາຊົນປະຕິວັດລາວໄດ້ດຳເນີນຢ່າງເປັນທາງການເປັນເວລາ 3 ວັນຄືວັນທີ 13-15 ມັງກອນ 2021 ທີ່ຫໍປະຊຸມແຫ່ງຊາດ ນະຄອນຫຼວງວຽງຈັນ,ພາຍໃຕ້ຄຳຂວັນ(ຍົກສູງຄວາມສາມາດນຳພາຂອງພັກ,ເພີ່ມທະວີຄວາມສາມັກຄີເປັນປຶກແຜ່ນຂອງປະຊາຊົນໃນຊາດ,ຮັບປະກັນສະຖຽນລະພາບທາງດ້ານການເມືອງຢ່າງໜັກແໜ້ນ,ຜັນຂະຫຍາຍແນວທາງປ່ຽນແປງໃໝ່ສູ່ລວງເລິກ,ສ້າງການຫັ້ນປ່ຽນການພັດທະນາເສດຖະກິດ-ສັງຄົມໄປສູ່ຄຸນນະພາບໃໝ່ຢ່າງແຂງແຮງ,ຍົກລະດັບຄຸນນະພາບຊີວິດຂອງປະຊາຊົນໃຫ້ສູງຂື້ນ,ສືບຕໍ່ນຳພາປະເທດຊາດພົ້ນຈາກສະຖານະພາບດ້ອຍພັດທະນາ ແລະ ກ້າວເດີນສູ່ຈຸດໝາຍສັງຄົມນິຍົມ).

  ກອງປະຊຸມໃຫ່ຍຄັ້ງທີ່ XI  ມີຜູ້ແທນສົມບູນເຂົ້າຮ່ວມທັງໝົດ 768 ສະຫາຍ,ຍິງ 116 ສະຫາຍ,ມີ 43 ຊົນເຜົ່າຊື່ງເປັນຕົວແທນໃຫ້ແກ່ສະມະຊິກພັກທັງໝົດ 348,686 ສະຫາຍ ໃນທົ່ວປະເທດ,ພ້ອມແຂກຖືກເຊີນເຂົ້າຮ່ວມຈຳນວນ 147 ສະຫາຍ,ທີ່ີໜ້າໃຫ້ພາກສ່ວນຕ່າງໆທັງພາກລັດ ແລະ ເອກະຊົນ ກໍ່ຄືປະຊາຊົນລາວບັນດາເຜົ່າເຂົ້າຮ່ວມ, ທຽບໃສ່ກອງປະຊຸມຄັ້ງທີX ຜ່ານມາແມ່ນເພີ່ມຂື້ນ 12,28% , ກອງປະຊຸມໃຫ່ຍໄດ້ເລືອກຕັ້ງຄະນະບໍລິຫານງານສູນກາງພັກສະໄໝທີ XI ປະກອບມີກຳມະການສົມບູນສູນກາງພັກ 71 ສະຫາຍ,ຍິງ 12 ສະຫາຍ ແລະ ກຳມະການສຳຮອງສູນກາງພັກ 10 ສະຫາຍ,ຍິງ 2 ສະຫາຍເພື່ອເປັນແກ່ນສານນຳພາທົ່ວພັກ,ທົ່ວລັດ,ທົ່ວກຳລັງປະກອບອາວຸດ ແລະ ທົ່ວປວງຊົນ ຈັດຕັ້ງປະຕິບັດມະຕິກອງປະຊຸມໃຫ່ຍຄັ້ງທີ XI ຂອງພັກໃຫ້ມີຜົນສໍາເລັດ,ສ້າງບາດກ້າວບຸກທະລຸ ໃນການພັດທະນາປະເທດຊາດກ້າວຂື້ນຢ່າງໜັກແໜ້ນ.

    ຈາກນັ້ນ ທ່ານ ດົມວິໄລ ທອງສະຫວັນ ຮອງເລຂາພັກເມືອງ ຜູ້ຊີ້ນໍາວຽກງານແນວຄິດວຽກພັກ-ພະນັກງານ ແລະ ວຽກງານກໍ່ສ້າງຮາກຖານ, ກໍ່ໄດ້ໃຫ້ກຽດກ່າວຕ້ອນຮັບ ແລະ ຍ້ອງຍໍຊົມເຊີຍທ່ານ ບຸນຍູ້ ຈັນທະລັງສີ ຜູ້ແທນສົມບູນຂອງແຂວງ ສາລະວັນທີ່ໄດ້ຕາງໜ້າໃຫ້ແກ່ສະມະຊິກພັກທົ່ວແຂວງສາລະວັນກໍ່ຄືເມືອງວາປີ,ໄດ້ນຳໃຊ້ສິດປະຊາທິປະໄຕປ່ອນບັດຄັດເລືອກເອົາຄະນະບໍລິຫານສູນກາງພັກຊຸດໃໝ່ ຈົນໄດ້ຮັບຜົນສຳເລັດອັນຈົບງາມ.

ອອກ​ຈາກ REPLY ເປັນ

Please enter your comment!
Please enter your name here