ເມືອງ ວາປີສຳເລັດການເປັນເຈົ້າພາບງານພົບປະຊາວໜຸ່ມ ແລະ ຕັ້ງຄ້າຍເຍົາວະຊົນທັນວາ ພາກທີ 2 ຄັ້ງທີ I ມີ 4 ຕົວເມືອງຄື:ເມືອງວາປີ,ເມືອງລະຄອນເພັງ,ເມືອງຕະໂອ້ຍ ແລະ ເມືອງສະໝ້ວຍ.

ງານພົບປະຊາວໜຸ່ມ ແລະ ຕັ້ງຄ້າຍເຍົາວະຊົນທັນວາ 4 ຕົວເມືອງຄື:ເມືອງວາປີ,ເມືອງລະຄອນເພັງ,ເມືອງຕະໂອ້ຍ ແລະ ເມືອງສະໝ້ວຍ ພາກທີ 2 ຄັ້ງທີ I ທີ່ເມືອງວາປີເປັນເຈົ້າພາບພາຍໃຕ້ຫົວຂໍ້ທີ່ວ່າ: ພັດທະນາຊາວໜຸ່ມ-ເຍົາວະຊົນທັນວາ ກ້າວສູ່ຍຸກສະໄໝ ໃສ່ໃຈການສຶກສາ ສ້າງເດັກໃນວັນນີ້ ເພື່ອອະນາຄົດທີ່ດີໃນວັນໜ້າ ໄດ້ໄຂຂື້ນຢ່າງເປັນທາງການ ໃນວັນທີ 6-8 ມັງກອນ 2021 ຢູ່ທີ່ເດີ່ນຫ້ອງວ່າການເມືອງວາປີໂດຍພາຍໃຕ້ການເປັນປະທານຂອງທ່ານ ພູຂົງ ເຄື່ອງຄຳມະນີ ເລຂາຄະນະບໍລິຫານງານຊາວໜຸ່ມເມືອງວາປີ,ໃຫ້ກຽດເຂົ້າຮ່ວມຂອງທ່ານບຸນຍູ້ ຈັນທະລັງສີ ກຳມະການພັກແຂວງ ເລຂາພັກເມືອງ ເຈົ້າເມືອງໆວາປີ,ທ່ານ ສຸວຽງທອງ ສຸຂະວົງ ຮອງເລຂາຄະນະບໍລິຫານງານຊາວໜຸ່ມແຂວງສາລະວັນ,ຄະນະປະຈຳພັກເມືອງ 4 ຕົວເມືອງ,ຄະນະບໍລິຫານງານຊາວໜຸ່ມ 4 ຕົວເມືອງ,ພ້ອມດ້ວຍຫົວໜ້າແລະຄະນະຫ້ອງການອ້ອມຂ້າງເມືອງ,ຫົວໜ້າໜ່ວຍຊາວໜຸ່ມອ້ອມຂ້າງເມືອງ ແລະ ນ້ອງນ້ອຍເຍົາວະຊົນ 4 ຕົວເມືອງ ແລະ 2 ໂຮງຮຽນມີຜູ້ເຂົ້າຮ່ວມທັງໝົດ 270 ຄົນ,ຍິງ135ຄົນ.ໃນນັ້ນ ສະມະຊິກເຍົາວະຊົນ 175 ນ້ອງ,ຍີງ 95 ນ້ອງ,ສະມະຊິກຊາວໜຸ່ມ 72 ສະຫາຍ,ຍີງ 32 ສະຫາຍ.

ພິທີເປີດຢ່າງເປັນທາງການ ບັນດາທ່ານທີ່ເຂົ້າຮ່ວມໄດ້ຮັບຊົມແຕ່ລະກ້ອນກຳລັງ ເດີນສວນສະໜາມເຂົ້າສູ່ພິທີເຊີງມີທັງໝົດ 8  ກ້ອນກໍາລັງ ແລະ ໄດ້ຮັບຊົມການສະແດງສີລະປະວັນນະຄະດີເຊີ່ງເປັນການສະແດງໂຊໃນພິທີເປີດຢ່າງເປັນທາງການ,ຈາກນັ້ນ ທ່ານ ພູຂົງ ເຄື່ອງຄຳມະນີ ເລຂາຄະນະບໍລິຫານງານຊາວໜຸ່ມເມືອງວາປີໄດ້ຂື້ນຜ່ານບົດລາຍງານກະກຽມຄວາມພ້ອມ ແລະ ຜົນງານບາງດ້ານທີ່ທາງຄະນະຊາວໜຸ່ມເມືອງວາປີ ໄດ້ພ້ອມກັນສຸມໃສ່ຢ່າງຕັ້ງໜ້າ ເພື່ອກະກຽມໃຫ້ແກ່ການເປັນເຈົ້າພາບທີ່ດີໃນຄັ້ງນີ້.

ງານພົບປະຊາວໜຸ່ມ ແລະ ຕັ້ງຄ້າຍເຍົາວະຊົນທັນວາ 4 ຕົວເມືອງ  ພາກທີ 2 ຄັ້ງທີ I ທີ່ເມືອງ ວາປີເປັນເຈົ້າພາບໃນຄັ້ງນີ້ໄດ້ມີການແຂ່ງຂັນທັງໝົດ 8  ກິດຈະກໍາ, ທັງໝົດກິດຈະກຳເຫຼົ່ານີ້ກໍ່ເພື່ອເປັນການສ້າງທັກສະຄວາມຮູ້ ແລະ ຄວາມສາມາດຂອງນ້ອງນ້ອຍຊາວໜຸ່ມ,ເຍົາວະຊົນແຕ່ລະພາກສ່ວນໄດ້ຮຽນຮູ້,ກ້າຄິດ,ກ້າສະແດງອອກ,ສ້າງໃຫ້ເຂົາເຈົ້າມີຄວາມສາມັກຄີຊ່ວຍເຫຼືອເຊີ່ງກັນ ແລະ ກັນ ພາຍໃຕ້ຫົວຂໍ້ທີ່ວ່າ:ພັດທະນາຊາວໜຸ່ມ-ເຍົາວະຊົນທັນວາ ກ້າວສູ່ຍຸກສະໄໝ ໃສ່ໃຈການສຶກສາ ສ້າງເດັກໃນວັນນີ້ ເພື່ອອະນາຄົດທີ່ດີໃນວັນໜ້າ.ກິດຈະກຳ ແລະ ການແຂ່ງຂັນໄດ້ດຳເນີນມາເປັນເວລາ 3 ວັນກໍ່ໄດ້ມີພິທີປິດຢ່າງເປັນທາງການໃນວັນທີ 8 ມັງກອນ 2021.ໃນພິທີໄດ້ມີການມອບທຸງເຍົາວະຊົນໃຫ້ແກ່ເມືອງ ລະຄອນເພັງເພື່ອກະກຽມເປັນເຈົ້າພາບໃນງານຕັ້ງຄ້າຍຊາວໜຸ່ມ-ເຍົາວະຊົນ ຄັ້ງທີ II ທົ່ວແຂວງ ສາລະວັນໃນຄັ້ງຕໍ່ໄປ. 

ອອກ​ຈາກ REPLY ເປັນ

Please enter your comment!
Please enter your name here