17 ບ້ານ ຂອງເມືອງວາປີຖືກຮັບຮອງເປັນບ້ານໜັກແໜ້ນເຂັ້ມແຂງ ປະຈຳປີ 2020

ພິທີປະກາດຮັບຮອງເອົາ 17 ບ້ານຂອງເມືອງວາປີເປັນບ້ານໜັກແໜ້ນ ເຂັ້ມແຂງ ປະຈຳປີ 2020 ໄດ້ຈັດຂື້ນໃນຕອນເຊົ້າຂອງວັນທີ 17 ທັນວາ 2020 ນີ້ ຢູ່ທີ່ສະໂມ ສອນຂອງເມືອງ ໂດຍເປັນກຽດເຂົ້າຮ່ວມຂອງທ່ານ ບຸນຍູ້ ຈັນທະລັງສີ ກຳມະການພັກແຂວງ ເລຂາພັກເມືອງ-ເຈົ້າເມືອງໆວາປີ,ທ່ານ ຄຳຈຽນ ສຸວັນນະແດງ ຮອງຫົວໜ້າພະ ແນກພາຍໃນແຂວງສາລະວັນ.ເຂົ້າຮ່ວມມີບັນດາທ່ານໃນຄະນະປະຈຳພັກເມືອງ,ກຳມະການພັກເມືອງ,ຫົວໜ້າ-ຮອງຫົວໜ້າຫ້ອງການອ້ອມຂ້າງເມືອງ, ແຂກທີ່ຖືກເຊີນ ຕະ ຫຼອດຮອດເລຂາໜ່ວຍພັກບ້ານ-ນາຍບ້ານ ແລະ ອົງການປົກຄອງບ້ານເປົ້າໝາຍເຂົ້າຮ່ວມ.

     ໃນພິທີ ທ່ານພູວັນ ນະວົງຄຳ ກຳມະການພັກເມືອງຫົວໜ້າຫ້ອງວ່າການປົກຄອງເມືອງວາປີ ໄດ້ຜ່ານຂໍ້ຕົກລົງຂອງທ່ານເຈົ້າເມືອງໆວາປີ ວ່າດ້ວຍການຮັບຮອງເອົາຄອບ ຄົວແລະບ້ານຈຳນວນ 17 ບ້ານຂອງເມືອງວາປີເປັນຄອບ ຄົວແລະບ້ານໜັກແໜ້ນເຂັ້ມແຂງປະຈຳປີ 2020. ຈາກນັ້ນທ່ານ ວົງໄຊ ວົງສາລາດB ກຳມະການພັກເມືອງ – ຫົວໜ້າຫ້ອງການພາຍໃນເມືອງວາປີ ໄດ້ຜ່ານບົດລາຍງານການຈັດ ຕັ້ງປະຕິບັດການສ້າງ ບ້ານໜັກແໜ້ນ ເຂັ້ມແຂງ ປະຈຳປີ 2020 ທັງໝົດ 17 ບ້ານ.ເຊິ່ງທ່ານໄດ້ໃຫ້ຮູ້ວ່າພາຍຫຼັງທີ່ໄດ້ກຳນົດເປົ້າໝາຍທີ່ຈະສ້າງເປັນ ບ້ານໜັກແໜ້ນ ເຂັ້ມແຂງ ປະຈຳປີ 2020 ແລ້ວ ຂະແໜງການທີ່ກ່ຽວຂ້ອງ ກ່ໍຄືຫ້ອງ ການພາຍໃນເມືອງວາປີພ້ອມດ້ວຍຄະນະກຳມະການສ້າງບ້ານໜັກແໜ້ນເຂັ້ມແຂງຂັ້ນເມືອງໄດ້ເອົາໃຈໃສ່ຊຸກຍູ້ຕິດຕາມກວກາປະເມີນຄວາມຄືບໜ້າຂອງບັນດາຂະບວນການຕ່າງໆ ໂດຍໄດ້ຖືເອົາ 10 ມາດຖານການສ້າງບ້ານໜັກແໜ້ນ ເຂັ້ມແຂງ ທີ່ກະຊວງພາຍໃນໄດ້ກຳນົດໃວ້ ເຫັນວ່າໃນ 17 ບ້ານສາມາດປະຕິບັດໄດ້ຕາມ 10 ມາດຖານ ເຊິ່ງບັນດາບ້ານດັ່ງກ່າວມີພົນລະເມືອງທັງໝົດ12.958ຄົນ,ຍິ່ງ 6.355ຄົນ,ມີທັງຄາເຮືອນທັງໝົດ 2.250 ຫຼັງຄາ,ມີຄອບ ຄົວທັງໝົດ 2.779ຄອບຄົວ.ຖ້າທຽບໃສ່ມາດຖານໃນການ ສ້າງ ເປັນຕົ້ນ ອົງການປົກຄອງບ້ານມີ 5 ໜ່ວຍງານຊ່ວຍວຽກເຫັນໃນ 17 ບ້ານ ປະຕິບັດໄດ້ 100ສ່ວນ100,ການປະກອບບຸກຄະລາກອນເຂົ້າໃນອົງການປົກຄອງບ້ານແມ່ນຖືກຕ້ອງຕາມລະບຽບການ ປະຕິບັດໄດ້ 100ສ່ວນ100, ອົງການປົກຄອງບ້ານມີລະບຽງການໃນການຄຸ້ມຄອງບໍລິ ຫານບ້ານ ປະຕິບັດໄດ້ 100ສ່ວນ100,ນາຍບ້ານຄະນະບ້ານມີການປະຈຳການປົກກະຕິ,ບ້ານມີແຜນພັດທະນາບ້ານຕົນເອງ,ບ້ານມີລາຍຮັບສາມາດກຸ້ມລາຍຈ່າຍ ບັນດາບ້ານໃນ17 ບ້ານປະຕິບັດໄດ້100ສ່ວນ100 ແລະ ບັນດາມາດ ຖານອື່ນໆກ່ໍປະຕິບັດໄດ້ເຊັ່ນດຽວກັນ.ພາຍຫຼັງການຜ່ານບົດລາຍງານການສ້າງບ້ານໜັກແໜ້ນ ເຂັ້ມແຂງ ສຳ ເລັດແລ້ວ ໃນພິທີໄດ້ສືບຕໍ່ມອບໃບຢັ້ງຢືນຄອບຄົວ ແລະ ບ້ານໜັກແໜ້ນເຂັ້ມແຂງໃຫ້ບັນດາບ້ານທີ່ໄດ້ຮັບໃນຄັ້ງນີ້. ໂດຍໃຫ້ຫຽດຂື້ນມອບຂອງທ່ານ ບຸນຍູ້ ຈັນທະລັງສີ ເຈົ້າເມືອງໆວາປີ ແລະ ທ່ານ ຄຳຈຽນ ສຸວັນນະແດງ ຮອງຫົວ ໜ້າພະແນກພາຍໃນແຂວງສາລະວັນ.ຕອນທ້າຍບັນດາທ່ານທີ່ເຂົ້າຮ່ວມພິທີໃນຄັ້ງນີ້ກ່ໍຍັງໄດ້ຮ່ວມກັນເປີດປ້າຍ, ລັ່ນຄ້ອງ 9 ບາດ ເພື່ອເປັນສັກຂີພິຍານໃນງານນຳອີກ.

ອອກ​ຈາກ REPLY ເປັນ

Please enter your comment!
Please enter your name here