Get Adobe Flash player

ເມືອງວາປີຈັດກອງປະຊຸມຖອດຖອນບົດຮຽນ ການຈັດງານປີທ່ອງທ່ຽວ 2018.

ໃນ​ຕອນ​ເຊົ້າ ວັນ​ທີ 8 ພຶດສະພາ 2018 ນີ້​ເມືອງ​ວາປີ ຈັດ​ກອງ​ປະຊຸມ ສະຫຼຸບ​ຖອດ​ຖອນ​ບົດຮຽນ​ການຈັດ​ງານປີທ່ອ

ງ​ທ່ຽວ 2018 ຢູ່​ທີ່​ຫ້ອງ​ປະຊຸມ ຂອງ​ຫ້ອງ​ວ່າການ​ປົກ​ຄອງ​ເມືອງ​ວາປີ ​ໂດຍ​ໃຫ້​ກຽດ​ເປັນ​ປະທານ​ຂອງ​ທ່ານ ພັທ ລັງສີ ຈັນທະ​ມາລີ ກຳມະການ​ພັກ​ແຂວງ ​ເລຂາຄະນະບໍລິຫານງານພັກເມືອງ ເຈົ້າເມືອງໆວາປີ ມີຄະນະປະຈຳພັກເມືອງ ກຳມະການພັກເມືອງ ຫົວໜ້າຫ້ອງການ ຄະນະພັກຮາກຖານ ເຂົ້າຮ່ວມທັງໝົດ 44 ຄົນ,ຍີງ 4 ຄົນ.

ຈຸດປະສົງຂອງກອງປະຊຸມແມ່ນເພື່ອສະຫຼຸບຖອດຖອນບົດຮຽນທີ່ໄດ້ປະຕິບັດໃນຜ່ານມາ ແລະ ເປັນບົດຮຽນໃນຕໍ່ໜ້າ ພາຍຫຼັງທີ່ໄດ້ຂໍ້ຕົກລົງແຕ່ງຕັ້ງຄະນະຊີ້ນຳ ແລະ ຄະນະກຳມະການຕ່າງໆຂອງຄະນະປະທານຈັດງານສະເຫຼີມສະຫຼອງປີທ່ອງທ່ຽວ ຕິດພັນກັບການເປີດແຫຼ່ງທ່ອງທ່ຽວທຳມະຊາດຂອງເມືອງ ຂອງທ່ານເຈົ້າເມືອງສະບັບເລກທີ 430/ຈມວປ,ລົງ​ວັນ​ທີ 13/11/2017 ​ແລະ​ສະບັບ​ເລກທີ 511/ຈມວປ,ລົງ​ວັນ​ທີ 25/12/2017.ບັນດາ​ອະນຸ​ກຳມະການ​ຕ່າງໆ​ກໍ​ໄດ້​ເອົາ​ໃຈ​ໃສ່​ນຳ​ເອົາ​ເນື້ອ​ໃນ​ຂໍ້​ຕົກລົງ​ຂອງ​ທ່ານ​ເຈົ້າ​ເມືອງ​ໄປ​ຜັນ​ຂະຫຍາຍ​ເປັນອັນ​ລະອຽດດ້ວຍ​ຄວມຮັບຜິດຊອບສູງ​,ຄະນະກຳມະການທີ່ຖືກແຕ່ງຕັ້ງມີຄວາມຮັບຜິດຊອບສູງ,ເອົາໃຈໃສ່ປະຕິບັດໜ້າທີ່ ທີ່ຖືກມອບໝາຍດ້ວຍຄວາມເປັນເຈົ້າການ ເຊີ່ງມັນສະ​ແດງ​ອອກ​ໃນ​ການ​ປະຕິບັດ​ໜ້າ​ທີ່​ຂອງ​ແຕ່​ລະ​ອະນຸ​ຈົນ​ເຮັດ​ໃຫ້​ວຽກ​ງານ​ດັ່ງກ່າວ​ສຳ​ເລັດ​ຕາມ​ຄາດໝາຍ,ບົດຮຽນທີ່ຖອດຖອນໄດ້ ແມ່ນຕ້ອງ​ໄດ້ມີການວາງແຜນການຈັດງານ ໂດຍກຳນົດວັນເວລາ​ເປັນ​ມາດຕະ​ຖານ​ປະຈຳ​ປີ,​ແລະ ກຳນົດ​ກິດຈະກຳ​ຕ່າງໆ​ຢ່າງ​ລະອຽດ​ຊັດ​ເຈນ ​ແລະ​ພຽງພໍ​ກັບ​ຄວາມ​ຕ້ອງການ​ຂອງ​ວຽກ​ງານ,​ຖື​ບັນຫາ​ສຳຄັນ​ໃນ​ການວາງ​ແຜນ​ລະດົມ​ທືນ ​ແລະ ຊອກ​ຫາ​ວິທີ​ການ​ລະດົມ​ທືນຈາກ​ພາກສ່ວນ​ຕ່າງ​ໆໃຫ້​ລະອຽດ​ຊັດ​ເຈນ ພຽງພໍ​ກັບ​ຄວາມ​ຕ້ອງການ​ຂອງ​ໜ້າ​ວຽກ ພິຈາລະນາ​ໃຫ້​ແຕ່​ລະ​ອະນຸ​ກຳມະການ​ເພື່ອ​ເຮັດ​ໃຫ້ ຕ້​ອງ​ເພີ້​ມທະວີ​ໃນ​ການ​ຝືກ​ແອບ​ໃນ​ແຕ່​ລະ​ກຸມ ​ໃນ​ທຸກໆ​ປີ​ໃຫ້​ມີ​ບັນຍາກາດ​ດີ ​ໃນ​ມື້​ເປີດ​ງານ​ຂອງ​ເມືອງ,​ເຊີ່ງ​ແມ່ນ​ຜົນງານ​ທີ່​ໄດ້​ມອບ​ໝາຍ​ໃຫ້​ແຕ່​ລະອະນຸ​ນັ້ນ​​ເຫັນ​ວ່າ​ມີ​ຜົນສຳ​ເລັດ​ຫຼາຍ​ຢ່າງ​ທີ່​ມີ​ຜົນສຳ​ເລັດ​ເຮັດ​ໃຫ້​ງານ​ບັນລຸ​ຕາມ​ຄາດໝາຍ​ດັ່ງ​ນັ້ນ​ທ່ານ​ເຈົ້າ​ເມືອງໆ​ວສປີ​ຈີ່​ງມອບ​ໃບ​ຍ້ອງຍໍ​ໃຫ້​ແຕ່​ລະ​ອະນຸ​ເພື່ອ​ເປັນ​ຂວັນ​ກຳລັງ​ໃຈ ​ເພື່ອ​ສະ​ແດງ​ເຖີງຜົນງານ​ທີ່​ໄດ້​ຍາດ​ມາ​ໄດ​ຕາມ​ຄາດໝາຍ.

ຕອນ​ທ້າຍ​ທ່ານ​ປະທານ​ກອງ​ປະຊຸມ​ໄດ້​ເນັ້ນ​ໜັກ​ໃນ​ການ​ຮັກສາ​ຄວາມ​ປອດ​ໄພ,​ໃຫ້ກັບ​ຜູ້​ມາ​ທ່ຽວ​ງານ ​ແລະ ​ເກັບກຳ​ລາຍ​ຮັບ​-ຈ່າຍ​ໃຫ້​ຊັດ​ເຈນ ມອບ​ວຽກ​​ໃຫ້​ແຕ່​ລະສະ​ຫາຍ​ມີ​ຄວາມ​ຮັບຜິດຊອບ​ສູງ​ເຮັດ​ໃຫ້​ງານ​ດັ່ງ​ກ່າ​ມີ​ຄວາມ​ສຳຄັນ​ເປັນຕາ​ໜ້າ​ທ່ຽວ​ຊົມ ​ເຮັດ​ໃຫ້​ນັກ​ທ່ອງ​ທ່ຽວ​ເຂົ້າ​ມາ​ທ່ຽວ​ຊົມ​ໃຫ້​ຂື້ນ​ໃນ​ທຸກໆ​ປີ ​ແລະ ກອງ​ປະຊຸມ​ປິດ​ລົງ​ໃນ​ຄາບ​ດຽວ​ກັນ.