Get Adobe Flash player

ກອງປະຊຸມຄົບຄະນະບໍລິຫານງານພັກເມືອງ ວາປີ ຄັ້ງທີ XII ( ສະໃໝທີ VII )ຄັ້ງວັນທີ 09- 10 /05/2018. Conference Plenary executive newspaper VAPI first XI (the new VII)Held on 09- 10/05/2018

ກອງປະຊຸມ ຄົບ​ຄະນະ​ບໍລິຫານ​ງານ​ພັກ​ເມືອງ ວາປີ ຄັ້ງ​ທີ 12 ( ສະ​ໃໝ​ທີ VII )​ໄດ້​ດຳເນີນເປັນເວລາ 2 ວັນ, ​

ແຕ່​ວັນ​ທີ 09 ເຖິງ​ວັນ​ທີ 10 ພຶດສະພາ 2018 ​ຢູ່ທີ່ຫ້ອງປະຊຸມຂອງຫ້ອງວ່າການປົກຄອງເມືອງວາປີ ໂດຍ​​ໃຫ້ກຽດເປັນ​ປະທານ​ຂອງ ສະຫາຍ ພັທ ລັງສີ ຈັນທະ​ມາລີ ກໍາມະການ​ພັກ​ແຂວງ, ເລຂາ​ຄະນະ​ບໍລິຫານ​ງານພັກ-​ເຈົ້າ​ເມືອງໆວາປີ,​ເຊິ່ງມີບັນດາສະຫາຍ​​ຄະນະ​ປະຈຳ​ພັກ​ເມືອງ, ກຳມະການ​ພັກ​ເມືອງ, ຫົວໜ້າ​ຫ້ອງການ, ອົງການ​ທຽບ​ເທົ່າ, ລັດ​ວິ​ສາ​ຫະກິດ​ ເຂົ້າຮ່ວມທັງໝົດ 37 ສະຫາຍ,ຍິງ 4 ສະຫາຍ.

ພາຍຫຼັງທີ່ປະທານກອງປະຊຸມໃຫ້ຄຳເຫັນຊີ້ນຳຕໍ່ກອງປະຊຸມ ແລະ ກ່າວເປີດຢ່າງເປັນທາງການແລ້ວ ກອງປະຊຸມໄດ້ຮັບຟັງ​ການ​ຜ່ານບົດສະຫລຸບຕີລາຄາການນໍາພາຮອບດ້ານ ຂອງຄະນະບໍລິຫານງານພັກເມືອງ​ໄລຍະ 3 ​ເດືອນ,ງວດ I ​ກໍ່​ຄື​ການຈັດ​ຕັ້ງ​ຜັນ​ຂະຫຍາຍ​ມະຕິ​ກອງ​ປະຊຸມ​ຄົບ​ຄະນະ​ບໍລິຫານ​ງານ​​ພັກ​ເມືອງ​ຄັ້ງ​ທີ 11 (ສະ​ໃໝ​ທີ VII ) ແລະ ທິດທາງ​​ການ​ຮອບດ້ານ 3 ​ເດືອນ ງວດ II ປີ2018.ຈາກນັ້ນຜູ້ແທນກອງປະຊຸມໄດ້ພ້ອມ​ກັນຄົ້ນ​ຄວ້າ ​ແລະ ປະກອບ​ຄຳ​ເຫັນ​ຢ່າງ​ກ້ວາງ​ຂວາງບົນ​ຈິດ​ໃຈຄວາມ​ສາມັກຄີ, ມີຄວາມຮັບຜິ​ດຊອບສູງ ແລະ ມີບັນຍາ​ກາດ​ດີ. ​ກອງ​ປະຊຸມ​ໄດ້​ມີ​ຄວາມ​ເປັນ​ເອກະ​ພາບ ​ແລະ ຮັບຮອງ​ເອົາ​ບົດ​ຕີ​ລາຄາການ​ນຳພາ​ຮອບ 3 ​ເດືອນ ງວດ I ​ແລະ ທິດ​ທາງ​ການ​ນຳພາ​ຮອບດ້ານ ງວດ II 2018 ພ້ອມ​ທັງຍົກ​ໃຫ້​ເຫັນສິ່ງທີ່​ພົ້ນ​ເດັ່ນ ​ແລະ ຈຸດອ່ອນຂໍ້ຄົງຄ້າງ​ດັ່ງ​ນີ້:

   ກອງ​ປະຊຸມ​ໄດ້​ຕີ​ລາຄາສະພາບ​ໂດຍ​ລວມ​ໃນ​ທົ່ວ​ເມືອງ​ຍັງ​ມີ​ຄວາມ​ສະຫງົບ​ໂດຍ​ພື້ນຖານ,ສັງຄົມມີຄວາມ​ເປັນ​ລະບຽບ​ຮຽບຮ້ອຍ​ດີ​,ລະບົບ​ການ​ເມືອງ​ກໍ່​ໄດ້​ມີ​ການ​ປັບປຸງ​ຢ່າງ​ຕັ້ງໜ້າ,ດ້ານ​ເສດຖະກິດກໍ່ຍັງ​ສືບ​ຕໍ່​ຂະຫຍາຍຕົວ​ຢ່າງ​ຕໍ່​ເນື່ອງ​ ແລະ ໝັ້ນທ່ຽງ,​ເຊີ່ງ​ມັນສະ​ແດງ​ອອກ​ໃນ​ການ​ເກັບລາຍ​ຮັບ​ເຂົ້າ​ງົບປະມານ​ໄລ​ຍະ3​ເດືອນ​ຜ່ານ​​ມາ​​ໄດ້ 884.161.347 ກີບ= 24,27 %, ຂອງ​ແຜ​ນການ, ນອກ​ນັ້ນປະຊາຊົນ​ໄດ້​ຕື່ນ​ຕົວຜະລິ​ຕະພັນ ຈັກສານ​ມີ​ປະຊນຊົນ​ເຂົ້າ​ຮ່ວມ​ໂຄງການ 37 ຄອບ​ຄົວ ສາມາດ​ຈັກສານ​ໄດ້ 795 ໜ່ວຍ​ຄິດ​ເປັນ​ມູນ​ຄ່າ 11.925.000 ກີບ. ພື້ນຖານ​ໂຄງ​ລ່າງຈໍານວນ​ໜຶ່ງ​ໄດ້​ຮັບ​ການ​ກໍ່ສ້າງ​ ແລະ ສ້ອມ​ແປງ.​ວຽກ​ງານ​ວັດທະນາ​ທຳ-ສັງຄົມເຫັນວ່າຂະ​ບວນການ​ຮຽນ-ການ​ສອນ ສອບ​ເສັງ​ພາກຮຽນ​ທີ 1 ​ເທົ່າ​ກັບ 96%​ໄດ້​ລົງ​ຊຸກຍູ້​ການ​ຮຽນ​ການ​ສອນ​ຂອງ​ຄູ​ປະຖົມ​ໄດ 30 ​ຮງຮຽນ ຂະບວນການແຂ່ງຂັນກິລາ ແລະ ສີລະປະ​ແມ່ນ​ເປັນ​ຂະ​ບວນຟົດຟື້ນ, ປະຊາຊົນ​ໄດ້​ຕື່ນ​ຕົວ​ໄປ​ຮັບ​ການ​ບໍລິການ​ສຸຂະພາບຢູ່​ໂຮງໝໍ​ ແລະ​ ສຸກສາລາ​ຫຼາຍ​ຂຶ້ນ, ຄະນະພັກອໍານາດການປົກຄອງ​ໄດ້​ເອົາ​ໃຈ​ໃສ່​ເຮັດ​ວຽກ​ງານ​ສຶກສາ​ອົບຮົມ​ການ​ເມືອງ​ແນວ​ຄິດ​ໃຫ້​ສະມາຊິກ​ພັກ ພະນັກງານ​ລັດຖະກອນ​ຕະຫຼອດ​ຮອດ​ພໍ່​ແມ່​ປະຊາຊົນ​ຢ່າງ​ຕັ້ງໜ້າ ປະຊາຊົນ​ໄດ້​ຮັບ​ຮູ້ ​ເຊື່ອມ​ຊືມຕໍ່​ແນວທາງ-ນະ​ໂຍບາຍ​ຂອງ​ພັກ-ລັດ ອົງການ​ຈັດຕງມະຫາຊົນ​ກໍ່​ໄດ້​ເຄື່ອນ​ໄຫວ​ປັບປຸງ​ແບບ​ແຜນ​ວິທີ​ເຮັດ​ວຽກ ​ແລະ ​ໄດ້​ຂະຫຍາຍ​ສະມາຊິກ​ໄດ້​ເປັນ​ຢ່າງ​ດີ.​​ນອກ​ນັ້ນ​ກອງ​ປະຊຸມ​ຍັງ​ໄດ້​ຮັບຮອງ ​ແລະ ມອບ​ຄວາມ​ຮັບຜິ​ດຊອບ​ບັນດາ​ໜ້າ​ວຽກຕ່າງໆ​ໃຫ້​ແຕ່ລະ​ຂົງ​ເຂດ.

​ໃນ​ຕອນ​ທ້າຍກອງ​ປະຊຸມ​ ສະຫາຍ​ ພັທ ລັງສີ ຈັນທະ​ມາລີ ກຳມະການ​ພັກ​ແຂວງ ​ເລຂາຄະ​ນະ​ບໍລິຫານ​ງານ​ພັກ​ເມືອງ ​ເຈົ້າ​

ເມືອງໆ​ວາປີ ​ໃນ​ນາມ​ປະ​ທານ​ກອງ​ປະຊຸມ ​​ເພື່ອ​ເຮັດ​ໃຫ້​ກອງ​ປະຊຸມ​ເທື່ອ​ນີ້​ມີ​ຄວາມ​ໜັກ​ແໜ້ນ​ຂື້ນ​ຕື່ມ ສະຫາຍໄດ້​ຊີ້​ນຳ​ວຽກ​ງານ​ແຕ່ລະ​ຂົງ​ເຂດ ​ມອບໃຫ້ບັນດາສະຫາຍ​​ຄະນະປະຈຳພັກເມືອງ, ກຳມະການພັກເມືອງ, ຫົວໜ້າຫ້ອງການ, ​ເລຂາ​ພັກ​ບ້ານ,ອົງການທຽບເທົ່າອ້ອມຂ້າງ​​ເມືອງ, ເລຂາຄະນະພັກຮາກຖານ, ຈົ່ງໄດ້ນຳເອົາມະຕິກອງປະຊຸມຄົບຄະນະບໍລິຫານງານພັກເມືອງຄັ້ງທີ 12 ກໍ່ຄືມະຕິກອງປະຊຸມຄັ້ງນີ້ໄປຈັດຕັ້ງຜັນຂະຫຍາຍໃຫ້ເປັນອັນລະອຽດຈັດຕັ້ງປະຕິບັດໃຫ້ສຳເລັດຕາມຄາດໝາຍທີ່ວາງໄວ້ແລະ ​ເຫັນ​ດີ​ເປັນ​ເອກະ​ພາບ​ໃນ​ມະຕິ​ກອງ​ປະຊຸມ​ເພື່ອ​ຫັນໄປ​ຈັດ​ຕັ້ງ​ປະຕິບັດ​ໃຫ້​ເກີດ​ຜົນ​ເປັນ​ຈີ​ງ​ໃນ​ຕໍ່ໜ້າ, ມາ​ຮອດ​ເວລາ 16:30 ​ໂມງ, ​ວັນ​ທີ 10 ກຸມພາ 2018. ກອງ​ປະຊຸມ​ໄດ້​ປິດ​ລົງ​ຢ່າງ​ເປັນ​ທາງ​ການ.