Get Adobe Flash player

ພິທີປະກາດເມືອງວາປີເປັນເມືອງ4ບຸກ ແລະ ປະກາດເມືອງເຍົາວະຊົນ ທັນວາ 3ດີ 4ຮູ້ ປະຈຳປີ 2017.

ໃນ​ຕອນ​ເຊົ້າ​ຂອງ​ວັນ​ທີ 28 ມິຖຸນາ 2018 ​ເມືອງ​ວາປີ ​ໄດ້​ປະກາດ​ເມືອງ​ວາປີ​ເປັນ​ເມືອງ4ບຸກຂອງ​ຄະນະ​ຊາວ​ໜຸ່ມ​ປະ

​ຊາ​ຊົນ​ປະຕິວັດ​ລາວ ​ແລະ 3ດີ4ຮູ້ ຂອງ​ເຍົາວະ​ຊົນ​ລາວ ​ໃຫ້​ກຽດ​ເປັນ​ປະທານ​ຂອງ​ທ່ານ ຄຳ​ຈັນ​ແຈ່ມ​ສະໝອນ ຄະນະ​ປະຈຳ​ພັກ​ແຂວງ ປະທານ​ກວດກາ​ພັກ-ລັດ ມີ​ທ່ານ​ພັທ ລັງສີ ຈັນທະ​ມາລີ ກຳມະການ​ພັກ​ແຂວງ ​ເລຂາ​ພັກ​ເມືອງ ​ເຈົ້າ​ເມືອງໆ​ວາປີ ທ່ານ ຈັນ​ສີ​ລອນ ສີ​ສົມບູນ ກຳມະການ​ພັກ​ແຂວງ ກຳມະການ​ສູນ​ກາງ ຊປລ ​ເລຂາ​ຄະນະ​ບໍລິຫານ​ງານ​ຊາວ​ໝຸ່ມ​ແຂວງ​ສາລະ​ວັນ ມີ​ຄະນະ​ປະຈຳ​ພັກ​ເມືອງ ​ ເລຂາ​ຄະນະ​ບໍລິຫານ​ງານ​ຊາວ​ໝຸ່ມ​ເມືອງ​ເປັນ​ປະທານ ​ແລະ ມີ​ຄະນະ​ປະຈຳ​ພັກ​ເມືອງ ມາ​ຈາກ​ຕ່າງ​ເມືອງ ກຳມະການ​ພັກ​ເມືອງ ຫົວໜ້າ​ຫ້ອງການ ໜ່ວຍ​ຊາວ​ໝຸ່ມອ້ອມ​ຂ້າງ​ເມືອງ ສະມາ​ຊີກ​ຊາວ​ໝຸ່ມ-​ເຍົາວະ​ຊົນ ພ້ອມ​ດ້ວຍ​ນ້ອງ​ນ້ອຍ​ເຍົາວະ​ຊົນ​ພໍ່​ແມ່​ປະຊາຊົນ​ທີ່​ກ່ຽວຂ້ອງເຂົ້າ​ຮ່ວມ​ທັງ​ໝົດ 330 ຄົນ,ຍີ​ງ111 ຄົນໃນໄລຍະໜຶ່ງປີຜ່ານມາຄະນະບໍລິຫານງານຊາວໜຸ່ມເມືອງ ໄດ້ຈັດຕັ້ງປະຕິບັດເນື້ອໃນຂໍ້ແຂ່ງຂັນ4ບຸກຂອງຊາວໝຸ່ມ3ດີ 4ບຸກ ຂອງເຍົາວະຊົນທັນວາ ເຊີ່ງໃນທ່າມກາງສະພາບແວດລ້ອມພາຍນອກໄດ້ມີການຜັນແປໄປຢ່າງສະລັບສັບຊ້ອນ ມີທັງກາລະໂອກາດສິ່ງທີ່ເອຶ້ອອຳນວຍຂໍ້ຫຍຸ້ງຍາກ ແລະ ຂໍ້ຈຳກັດຫຼາຍດ້ານ ທີ່ສົ່ງຜົນກະທົບທາງກົງ ແລະ ທາງອ້ອມ ຕໍ່ການພັດທະນາຊາວໝຸ່ມ-ເຍົາວະຊົນຂອງພວກເຮົາ ແລະ ການເຄື່ອນໄຫວວຽກງານຊາວໜຸ່ມ-ເຍົາວະຊົນກໍ່ຄືການຈັດຕັ້ງປະຕິບັດຂໍ້ແຂ່ງຂັນ4ບຸກຂອງຊາວໝຸ່ມ3ດີ4ຮູ້ ຂອງເຍົາວະຊົນທັນວາ ແຕ່ພາຍໄຕ້ການຊີ້ນຳໆພາຂອງອົງຄະນະພັກເມືອງ ຄະນະບໍລິຫານງານຊາວໝຸ່ມແຂວງຢ່າງໄກ້ຊິດຕໍ່ເນື່ອງ ແລະ ຄວາມຕັ້ງໜ້າຫ້າວຫັນ ເປັນແບບຢ່າງນຳ​ໜ້າ​ຂອງ​ຂະ​ບວນການ​ຊາວ​ໜຸ່ມ 4ບຸກ 3ດີ 4ຮູ້ ​ເຮັດ​ໃຫ້​ຂະ​ບວນການ​ຊາວ​ໜຸ່ມ-​ເຍົາວະ​ຊົນ​ມີ​ໃບ​ໜ້າ​ໃໝ່​ໃນ​ຫລາຍ​ດ້ານ ສາມາດ​ຜ່ານ​ຜ່າ​ສີ່​ງທ່າ​ທາຍ​ຂໍ້​ຫຍຸ້ງຍາກ​ຕ່າງ​ໆ​ໄປ​ໂດຍ​ດີ​ເຊີ່ງ​ເປັນ​ການ​ປະກອບສ່ວນ​ອັນ​ສຳຄັນ​ໃນ​ການຈັດ​ຕັ້ງ​ມະຕິ Xຂອງ​ພັກ ມະຕິVIII ຂອງ​ອົງຄະ​ນະ​ພັກ​ແຂວງ ມະຕິ VIIຂອຂອງ​ອົງຄະ​ນະ​ພັກ​ເມືອງ ກໍ່ຄື​ມະຕິ​ກອງ​ປະຊຸມ​ໃຫຍ່​ຄັ້ງ​ທີ VIIຂອງ​ຜູ້​ແທນ​ຊາວ​ໜຸ່ມ​ທົ່ວ​ປະ​ເທດ ມະຕິ VIຂອງ​ຜູ້​ແທນ​ຊາວ​ໜຸ່ມ​ທົ່ວ​ແຂວງ​ກໍ່​ຄື​ຊາວ​ໜຸ່ມ​ເມືອງ​ວາປີ.​ເຊີ່ງ​ເຮັດ​ໃຫ້​ທົ່ວ​ເມືອງ​ມີ​ສະຖຽນ​ລະ​ພາບ​ ສັງຄົມ​ມີ​ຄວາມ​ເປັນ​ລະບຽບ​ຮຽບຮ້ອຍ​ເສດຖະກິດ​ສັງຄົມ​ມີ​ການ​ພັດ​ທະນາ​ຢ່າງ​ຕໍ່​ເນື່ອງ ຊີວິດ​ການ​ເປັນ​ຢູ່​ທາງ​ດ້ານ​ວັດຖຸ​-ວັດທະນະທຳ​ຂອງ​ປະຊາຊົນ​ກໍ​ຄື​ຊາວ​ໜຸ່ມ​-​ເຍົາວະ​ຊົນ​ບັນດາ​ເຜົາ​ດີ​ຂື້ນ ​ແລະ ສາມາດ​ເຄື່ອນ​ໄຫວ​ຈັດ​ຕັ້ງ​ປະຕິບັດຂໍ່​ແຂ່ງຂັນ 4ບຸກ 3ດີ 4ຮູ້ ຂອງ​ສູນ​ກາງ​ຊາວ​ໝຸ່ມປະຊາຊົນ​ປະຕິວັດ​ລາວ​ໄດ້ ຕອນ​ທ້າຍ​ທ່ານ​ປະທານ​ກອງ​ປະຊຸມ​ໄດ້ ​ເພີ້​ມທະວີ​ຄວາມ​ສາມັກຄີ ​ເປັນ​ປຶກ​ແຜ່ນ​​ແໜ້ນໜາ​ຢູ່​ອ້ອມ​ຂ້າງ​ພັກ ຈົ່ງ​ເຊີດ​ຊູ​ຈິດ​ໃຈ​ຮັກ​ຊາດ ຮັກບ້ານເກີດເມືອງນອນ ມີຄວາມມະນະອົດທົນ ສ້າງເສດຖະກິດຄອບຄົວໃຫ້ກຸ້ມຕົນເອງ ສ້າງຄວາມເຂັ້ມແຂງດ້ວຍຕົນເອງ ສ້າງປະເທດຊາດໃຫ້ຮັ່ງມີເຂັ້ມແຂງເພື່ອໃຫ້ກາຍເປັນຜູ້ສຶບທອດທີ່ດີໃນພາລະກິດປະຕິວັດໃນອະນາຄົດ ແລະ ພິທີດັ່ງກ່າວຈຶ່ງໄດ້ປິດລົງຢ່າງຈົບງາມ

 

 

ເມືອງວາປີຕ້ອນຮັບ ທ່ານ ໂຮຮ້າຍດັງ ກຳມະການພັກແຂວງ ຮອງປະທານຜູ້ປະຈຳການຄະນະກວດກາພັກແຂວງ ກວາງຈິ ສສ ຫວຽດນາມ ພ້ອມຄະນະຢ້ຽມຢາມ ແລະ ເຮັດວຽກຮ່ວມກັບ ປະທານຄະນະກຳມະການກວດກາພັກ-ລັດເມືອງວາປີ

ໃນ​ຕອນ​ເຊົ້າ​ຂອງ​ວັນ​ທີ່ 26 ມິຖຸນາ 2018.ເມືອງ​ວາປີ​ຕ້ອນຮັບ ທ່ານ ​ໂຮ​ຮ້າຍ​ດັງ ກຳມະການ​ພັກ​ແຂວງ ຮອງ​ປະທານ​ຜູ້​

ປະຈຳການຄະນະກວດກາພັກແຂວງ ກວາງຈິ ສສ ຫວຽດນາມ ພ້ອມຄະນະຢ້ຽມຢາມ ແລະ ​ເຮັດ​ວຽກ​ຢູ່​ເມືອງ​ວາປີ ຮ່ວມ​ກັບ​ ປະທານ​ຄະນະ​ກຳມະການ​ກວດກາ​ພັກ-ລັດ​ເມືອງ​ວາປີ ມີ​ເຈົ້າ​ເມືອງ​,ຄະນະ​ປະຈຳ​ພັກ​ເມືອງ,ກຳມະການ​ພັກ​ເມືອງ,ຫົວໜ້າ​ຫ້ອງການ​ພະນັກງານ ທີ່​ກ່ຽວຂ້ອງ​ເຂົ້າ​ຮ່ວມ​ທັງ​ໝົດ 34 ຄົນ,ຍີ​ງ 4 ຄົນ ການ​ລົງ​ມາ​ຢ້ຽມຢາມ​ໃນ​ຄັ້ງ​ນີ້​ແມ່ນ​​ເພື່ອ​ມາ​ຖອດ​ຖອນ​ບົດຮຽນ​ ​ເຊີ່ງ​ໃນ​ໄລຍະ​ນີ ​ເມືອງ​ວາປີ​ພວມ​ສຸມ​ໃສ່​ການ​ດຳ​ເນີນ​ກອງ​ປະຊຸມ​ໃຫຍ່​ຂອງ​ຄະນະ​ພັກ​​ແຕ່ລະຂັ້ນ ​ແລະ ພວມ​ກະກຽມ​ການຈັດ​ຕັ້ງ​ປະ​ຕິ​ບັດ ຄຳ​ສັ່ງ,ຄຳ​ແນະນຳ​ຂອງ​ສູນ​ກາງ​ພັກ ກ່ຽວ​ກັບ​ການ​ດຳ​ເນີນ​ກອງ​ປະຊຸມ​ໃຫຍ່ 3 ຂັ້ນ​ຂອງ​ພັກ ອັນ​ພົ້ນ​ເດັ່ນປີ​ນີ້​ແມ່ນ​ໄດ້​ຈັດ​ຕັ້ງ​ສະ​ເຫຼີ​ມສະຫຼອງ ວັນ​ເຊັນ​ສັນຍາ​ຮ່ວມ​ມື​ຮອບດ້ານ​ລາວ-ຫວຽດນາມ ຄົບຮອບ 40 ປີ,ວັນ​ສ້າງສາຍພົວພັນ​ທາງ​ການ​ທຸດລາວ-ຫວຽດນາມ,ຄົບຮອບ 55 ປີ,​ໄດ້​ມີ​ຜົນສຳ​ເລັດ​ຢ່າງ​ຈົບງາມ ​ແລະ ​ໂອກາດ​ອັນ​ມີ​ຄວາມ​ໝາຍ​ສຳຄັນ​ນີ້ ປະທານ​ຄະນະ​ກວດກາ​ພັກ,ຫົວໜ້າ​ຫ້ອງການ​ລັດ ​ເມືອງ​ວາປີ ​ໄດ້​ນຳ​ເອົາ​ຄວາມ​ຢື້​ຢາມ​ຖາມ​ຂ່າວ​ອັນ​ອົບ​ອຸ່ນ​ຈາກ​ຄະນະ​ພັກ,ອຳນາດ​ການ​ປົກຄອງ ​ແລະ ປະຊາຊົນ​ບັນດາ​ເຜົ່າ​ຊາວ​ເມືອງ​ວາປີ ມາ​ຍັງ​ຄະນະ​ພັກ-ອຳນາດ​ການ​ປົກຄອງ ​ແລະ ປະຊາຊົນ​ບັນດາ​ເຜົ່າ​ຊາວ​ຫວຽດນາມ​ເວົ້າ​ສະ​ເພາະ​ແມ່ນ​ພະນັກງານ​ຄະນະ​ພັກ-ລັດ ​ແຂວງ ກວາງ​ຈິ ສສ ຫວຽດນາມ ​ເຊີ່ງ​ບັນຍາກາດ​ຕອນ​ຮັບ​ຢ່າງ​ອົບ​ອຸ່ນ ​ແລະ ຄວາມ​ຮັກ​ແພງ​ຈາກ​ນັ້ນ ​ຄະນະອຳນາດການປົກຄອງເມືອງວາປີ ແມ່ນໄດ້ລາຍງານວຽກງານກວດກາພັກ-ລັດເມືອງວາ​ປີ ຕໍ່​ຄະນະ​ພັກ​-ລັດ ສສຫວຽ​ດນາມ ​ເຕັມ​ໄປ​ດ້ວຍ​ບັນຍາກາດ​ອົບ​ອຸ່ນ ພ້ອມ​ໄດ້​ຈັດ​ພາ​ເຂົ້າ​ສາມັກຄີ ​ແລະ ມອບ​ຂອງຂວັນ​ທີ່​ລະນຶກ​ໃຫ້​ແຂກ​ທີ່​ມາ​ຢຽມຢາມ​ຄັ້ງ​ນີ້.

ພິທີມອບ-ຮັບ ໂຄງການກໍ່ສ້າງ ແລະ ສ້ອມແປງທາງດິນແດງເລກທີ 2.6906 ແຍກທາງ 15 ບ້ານພູມສະຫັວນ ຫາແຍກ 2.6902 ບ້ານນາຕານດົງ

ໃນ​ຕອນ​ເຊົ້າ​ວັນ​ທີ 14 ມິຖຸນາ 2018.ຫ້ອງການ​ໂຍທາ​ທິການ ​ແລະ ຂົນ​ສົ່ງ ​ເມືອງ​ວາປີ ​ໄດ້​ຈັດ​ພິທີ​ມອບ​-ຮັບ ​ໂຄງການ​

ກໍ່ສ້າງ ​ແລະ ສ້ອມ​ແປງ​ທາງ​ດິນ​ແດງ​ເລກທີ 2.6906 ​ແຍກ​ທາງ 15 ບ້ານ​ພູມ​ສະຫວັນ ຫາ​ແຍກ​ທາງ 2.6902 ບ້ານ​ນາ​ຕານ​ດົງ ​ເມືອງ​ຄົງ​ເຊ​ໂດນ,ພິທີ​ໄດ້​ຈັດ​ຂື້ນ​ທີ່ ກຸ່ມ​ບ້ານ​ພັດທະນາ​ທີ 5 ​ເມືອງ​ວາປີ ​ໃຫ້ກຽດ​ເປັນ​ປະທານ ຂອງ​ທ່ານ ພັທ ລັງສີ ຈັນທະ​ມາລີ ກຳມະການ​ພັກ​ແຂວງ ​ເລຂາ​ຄະນະ​ບໍລິຫານ​ງານ​ພັກ​ເມືອງ ​ເຈົ້າ​ເມືອງໆ​ວາປີ ​ແລະ ທ່ານ ທອງ​ນິນ ວົງ​ຊາວ​ລໍ ຫົວໜ້າ​ຫ້ອງການ ​ໂຍທາ​ທິການ ​ແລະ ຂົນ​ສົ່ງ ​ເມືອງ​ວາປີ ມີ ບໍລິສັດ​ຜູ້​ຮັບ​ເໝົາ​ກໍ​ສ້າງ​ເສັ້ນທາງ ມີ​ຄະນະ​ປະຈຳ​ພັກ​ເມືອງ ຫົວໜ້າ​ຫ້ອງການ​ທີ່​ກ່ຽວຂ້ອງ ພ້ອມ​ດ້ວຍ​ອຳນາດ​ການ​ປົກຄອງ ພໍ່​ແມ່​ປະຊາຊົນພາຍ​ໃນ​ບ້ານ​ທີ່​ໄກ້​ຄຽງ​ເຂົ້າ​ຮ່ວມ​ທັງ​ໝົດ 53 ຄົນ,ຍີງ 9 ຄົນ, ຂະໜາດ​ໂຄງການ​ມີ​ຄວາມ​ຍາວ 24.400 ​ແມັດ, ກ້ວາງ 7 ​ແມັດ ສັນຍາ​ໂຄງການ​ທີ1: 048/ຍທຂ,ມວປ,ລົງ​ວັນ​ທີ 22 ທັນວາ 2015, ບົດ​ບັນທຶກ​ກວດກາ​ຄັ້ງ​ທີ1: 089/ຍທຂ ມວປ,ລົງວັນທີ 1 ເມສາ 2016.​ເລກທີ​ສັນຍາ​ທີ 2: 20/ຍທຂ ມວປ,ລົງ​ວັນ​ທີ 20 ທັນວາ 2017. ​ແລະ ບົດ​ບັນທຶກ​ກວດກາ​ຄັ້ງ​ທີ 2:14/ຍທຂ ມວປ,ລົງ​ວັນ​ທີ 12 ມິຖຸນາ 2018. ລວມມູນ​ຄ່າ​ການ​ກໍ່ສ້າງ 5.000.000.000 ກີບ(ຫ້າ​ຕື້​ກີບ) ​ໃນ​ຂັ້ນ​ພື້ນຖານ​ຮອດ​ປະຈຸ​ບັນ ດ້ານ​ໜ້າ​ວຽກ​ຕາມ​ສັນຍາ ​ແມ່ນ​ບໍລິສັດ​ຮັບ​ເໝົາ​ກໍ່ສ້າງ ​ໄດ້​ຈັດ​ຕັ້ງ​ປະຕິບັດ​ສຳ​​ເລັດ 100% ​ແລະ ຖຶກຕ້ອງຕາ​ມມາດຕະຖານ​ເຕັກນິກ,ຫ້ອງ​ທົດ​ລອງ​ພະ​ແນ​ກ​ໂຍທາ​ທິການ ​ແລະ ຂົນ​ສົ່ງ​ແຂວງ​ສາລະ​ວັນ ການ​ປະ​ເມີນ​ໂຄງການ​ຈາກ​ພະ​ແນ​ກ​ແຜນການ​ແລະ ການ​ລົງທຶນ​ແຂວງ ​ແລະ ຢັ້ງຢຶນຈາກ​ຄະນະ​ກຳມະການ​ຂັ້ນ​ເມືອງ ສະບັບ​ເລກທີ 14/ຍທຂ ມວປ,ລົງ​ວັນ​ທີ 12 ມິຖຸນາ 2018.ດັ່ງ​ນັ້ນ​ຈຶ່ງ​ຈັດ​ມອບ​ໂຄງການໃຫ້ເມືອງ ແລະກຸ່ມບ້ານພັດທະນາທີ 1ແລະ ກຸ່ມບ້ານພັດທະນາທີ 5 ຂອງເມືອງວາປີ ເສັ້ນທາງດັ່ງກ່າວໄດ້ຕັດຜ່ານຂອບເຂດ ຊາຍແດນຄຸ້ມຄອງແຕ່ລະບ້ານຄື ບ້ານ ພູມສະຫວັນ ບ້ານສະເໝັຍ,ບ້ານ ດົງລອຸ,ບ້ານ ຂະເໜົາ,ບ້ານ ສິມ,ບ້ານ ໂພນແພງ,ບ້ານ ນາສຽດ,ບ້ານ ທົ່ງຂຽນ ແລະ ບ້ານ ດອນຄຳ ເພື່ອມອບຄວາມຮັບຜິດຊອບໃນການນຳໃຊ້ຄຸ້ມຄອງ ຕິດຕາມ ການເປ້ເພ ເພື່ອລາຍງານໃຫ້ຂັ້ນເທີງຊາບ ເພື່ອຊ່ວຍກັນປົກປັກຮັກສາ ເສັ້ນທາງໃຫ້ຢຶນຢົງ ແລະ ນຳໃຊ້ໃຫ້ມີປະໂຫຍດສູງສຸດ

ເມືອງວາປີ ຈັດກອງປະຊຸມ ສະຫຼຸບ ການເຄື່ອນໄຫວການຈັດຕັ້ງປະຕິບັດວຽກງານປະຈຳເດືອນທີ 5/2018 ແລະ ທິດທາງແຜນການເດືອນທີ 6 /2018 ທີ່ຫ້ອງວ່າການປົກຄອງເມືອງວາປີ

ໃນ​ຕອນ​ເຊົ້າ​ວັນ​ທີ 13 ມິຖຸນາ 2018 ​ເມືອງ​ວາປີ ຈັດ​ກອງ​ປະຊຸມ ສະຫຼຸບ ການ​ເຄື່ອນ​ໄຫວ​ການຈັດ​ຕັ້ງ​ປະຕິບັດ​ວຽກ​ງານ​

ປະຈຳ​ເດືອນ​ທີ 5/2018 ​ແລະ ທິດ​ທາງ​ແຜນການ​ເດືອນ​ທີ 6 2018 ທີ່​ຫ້ອງ​ວ່າການ​ປົກຄອງ​ເມືອງ​ວາປີ​ໂດຍ​ເປັນ​ປະທານ​ຂອງ ທ່ານ ພັທ ລັງສີ ຈັນທະ​ມາລີ ກຳມະການ​ພັກ​ແຂວງ ​ເລຂາ​ຄະນະ​ບໍລິຫານ​ງານ​ພັກ​ເມືອງ ​ເຈົ້າ​ເມືອງໆ​ວາປີ ມີ​ຄະນະ​ປະຈຳ​ພັກ​ເມືອງ ກຳມະການ​ພັກ​ເມືອງ ຫົວໜ້າ​ຫ້ອງການ ຮອງ​ຫ້ອງການ ຄະນະ​ພັກ​ຮາກ​ຖານ ​ແລະ ວິຊາການ​ທີ່​ກ່ຽວຂ້ອງ​ເຂົ້າ​ຮ່ວມ​ທັງ​ໝົດ ​38 ຄົນ,ຍີ​ງ 7 ຄົນ ຈາກນັ້ນ​ກອງ​ປະຊຸມ​ໄດ້​ຜ່ານ​ບົດ ສະຫຼຸບ​ວຽກ​ງານ​ການ​ເຄື່ອນ​ໄຫວ​ຈັດ​ຕັ້ງ​ປະຕິບັດ​ວຽກ​ງານ​ປະຈຳ​ເດືອນ​ທີ 5/2018 ​ແລະ ທິດ​ທາງ​ແຜນການ​ເດືອນ​ທີ 6/ 2018​ໃນ​ທົ່ວ​ເມືອງ ​ເຊີ່ງ​ກອງ​ປະຊຸມ​ໄດ້​ຄົ້ນ​ຄ້ວາ ປະກອບ​ຄຳ​ເຫັນ​ກ່ຽວ​ກັບ​ການຈັດ​ຕັ້ງ​ປະຕິບັດ​ວຽກ​ງານ​ໃນ​ໄລຍະ​ຜ່ານ​ມາ​ຢ່າງ​ມີ​ເຫດຜົນ ຂອງ​ວຽກ​ງານ​ແຕ່ລະ​ຂົງ​ເຂດ ຂໍ້​ສະດວ​ກ ​ແລະ ຂໍ້ຫຍຸ້ງຍາກ ​ເພື່ອ​ໃຫ້​ກອງ​ປະຊຸມ​ມີ​ຄຳ​ເຫັນ​ຫາ​ວິທີ​ແກ້​ໄຂ​ເພື່ອ​ປັບປຸງ​ວຽກງານ​ດັ່ງກ່າວ​ໃຫ້​ມີ​ຄວາມ​ສະດວກ​ວ່ອງ​ໄວ​ຂື້ນ​ກວ່າ​ເກົ່າ ​ໂດຍ​ສະ​ເພາະ​ໃນ​ໄລຍະ​ໜຶ່ງ​ເດືອນ​ຜ່າ​ມາ​ເຫັນ​ວ່າວ​ຽກງານ​ແຕ່ລະ​ຂົງ​ເຂດ ​ມີ​ຄວາມສະດວກ​ວ່ອງ​ໄວ​ຂື້ນ​ຕື່ມ​ຖ້າ​ທຽບ​ໃສ່​ໄລຍະ​ຜ່ານ​ມາ​ເຊີ່ງ​ມັນສະ​ແດງ​ອອກ​ໃນ​ການ​ເກັບ​ລາຍ​ຮັບ​ເຂົ້າ​ງົບປະມານ​ມາ​ຮອດ​ປະຈຸ​ບັນ​ໄດ້ 1.749.097.940 ກີບ.ເທົ່າກັບ 48,02 % ຕອນທ້າຍທ່ານປະທານກອງປະຊຸມໄດ້ປະກອບໃສ່ກອງປະຊຸມເພື່ອເຮັດໃຫ້ກອງປະຊຸມມີຄວາມໝາຍຄວາມສຳຄັນໜັກແໜ້ນ ທ່ານໄດ້ມອບໃຫ້ແຕ່ລະຂົງເຂດນຳເອົາຈິດໃຈຂອງກອງປະຊຸມໄປພາກັນຈັດຕັ້ງປະຕິບັດໃຫ້ສຳເລັດຕາມລະດັບຄາດໝາຍທີ່ວາງໄວ້.​ ແລະ ກອງປະຊຸມໄດ່ປິດລົງໃນວັນດຽວກັນ.​

ເມືອງວາປີ ຈັດພິທີ ວັນເດັກນ້ອຍສາກົນ 1 ມະຖຸນາ,ວັນປຸກຕົ້ນໄມ້ແຫ່ງຊາດ ແລະ ວັນກິລາກາຍະກຳແຫ່ງຊາດລາວຄົບຮອບ52ປີ

ໃນ​ຕອນ​ເຊົ້າ​ຂອງ​ວັນ​ທີ 6 ມິຖຸນາ 2018.ນີ້ ​ເມືອງ​ວາປີ ຈັດພິທີ ວັນ​ເດັກນ້ອຍ​ສາກົນ 1 ມະ​ຖຸນາ,ວັນ​ປຸກ​ຕົ້ນ​ໄມ້​ແຫ່ງ

​ຊາດ ​ແລະ ວັນກິລາກາ​ຍະ​ກຳ​ແຫ່ງ​ຊາດ​ລາວ​ຄົບຮອບ52ປີ ຢູ່​ທີ່​ສະ​ໂມ​ສອນ​ໃຫຍຂອງ​ເມືອງ,​ເຊີ່ງ​ໃຫ້​ກຽດ​ເປັນ​ປະທານຂອງ​ທ່ານ ພັທ ລັງສີ ຈັນທະ​ມາລີ ກຳມະການ​ພັກ​ແຂວງ ​ເລຂາ​ຄະນະ​ບໍລິຫານ​ງານ​ພັກ​ເມືອງ ​ເຈົ້າ​ເມືອງໆ​ວາປີ,ມີ​ຄະນະ​ປະຈຳ​ພັກ​ເມືອງ,ກຳມະການ​ພັກ​ເມືອງ ຫົວໜ້າ​ຫ້ອງການ ພະນັກງານ ນັກທຸລະກິດ ຕະຫຼອດ​ຮອດ​ພໍ່​ແມ່​ປະຊາຊົນ ພ້ອມ ​ເດັກນ້ອຍ ​ເຂົ້າ​ຮ່ວມ​ທັງ​ໝົດ 246 ຄົນ,ຍີ​ງ 143 ຄົນ.​ເຊີ່ງ​ແມ່ນ​ໃນ​ພິທີ​ໄດ້ ​ເລົ່າ​ມູນ​ເຊື້ອ ຄວາມ​ເປັນ​ມາ​ຂອງ ວັນ​ປູກ​ຕົ້ນ​ໄມ້​ແຫ່ງ​ຊາດ ​ແລະ ວັນ​ເດັກນ້ອຍ​ສາກົນ ຄື​ວັນ​ທີ 1 ມິຖຸນາ ​ເຊີ່ງ​ໄດ້​ຄົບຮອບ​ໝູນວຽນ​ມາ​ອີກ​ຄັ້ງ​ໜຶ່ງ ​ເຊີ່ງ​ແນ​ໃສ​ເຮັດ​ໃຫ້​ຄວາມ​ປົກ​ຫຸ້ມ​ຂອງ​ປ່າ​ໄມ້​ໃນ​ແຕ່ລະ​ປີ​ເພີ້​ມຂື້ນ ​ແລະ ຮອດປີ2020 ​ໃຫ້​ມີ​ຄວາມ​ປົກ​ຫຸ້ມ​ປ່າ​ໄມ້​ໃຫ້​ໄດ້ 70%​ເຮັດ​ໃຫ້ການ​ຄຸ້ມ​ຄອງ​ປົກ​ປັກ​ຮັກສາ​ຊັບພະຍາກອນ​ປ່າ​ໄມ້ ​ແລະ ນຳ​ໃຊ້​ປ່າ​ໄມ້​ແບບຢ່າງ​ມີ​ແຜນການ​ໂດຍ​ຫຼຸດຜ່ອນ​ການ​ຂຸດ​ຄົ້ນ​ໄມ້​ຈາກ​ທຳ​ມະ​ຊາດ​ແລ້ວ​ຫັນ​ມາ​ປຸກ​ຕົ້ນ​ໄມ້​ເປັນ​ບ່ອນ​ທົດແທນ ​ແລະ ປະຫວັດ​ຄວາມ​ເປັນ​ມາ​ຂອງ​ກິລາກາ​ຍະ​ກຳ ​ແມ່ນ​ພາກສ່ວນ​ໜຶ່ງ​ຂອງ​ວັດທະນະທຳ ​ແມ່ນ​ຜະລິດ​ຕະພັນ​ຂອງ​ມວນ​ມະນຸດ​ເປັນ​ຜູ້​ສ້າງ​ຂື້ນ​ເພື່ອ​ຮັບ​ໃຊ້​ໃຫ້​ແກ່​ການ​ຂະຫຍາຍຕົວ ດ້ານ​ຕ່າງໆ​ຂອງ​ສັງຄົມ ກິລາກາ​ຍະ​ກຳ ​ໄດ້​ປະກອບ​ສວ່ນທີ່​ມີ​ປະ​ໂຫຍ​ດຕໍ່​ຊີວິດ ​ແລະ ​ໃຫ້​ຄຸນຄ່າ​ທາງ​ດ້ານ​ຈິດ​ໃຈ​ສຸຂະພາບ​ພາລະ​ນາ​ໄມ ​ໃຫ້​ຄວາມ​ຮູ້​ການ​ປະຊາສຳພັນ ລະຫວ່າງ​ຄົນ ກັບ​ຄົນ​ແລະ ​ໃຫ້​ຄຸນ​ປະ​ໂຫຍ​ດຢ່າງ​ມະຫາສານ​ໃນ​ຖານະ​ທາງ​ດ້ານ​ຈິດ​ໃຈ​ກໍ່​ຄື​ມັນສະໝອງ​ຂອງ​ມວນ​ມະນຸດ ​ເຊີ່ງ​ແມ່ນ​ວາລະ ພິທີ ຈີ່​ງ​ໄດ້​ຈັດ​ພິທີ​ປູກ​ຕົ້ນ​ໄມ້ ຢູ່ ​ເດີນ​ຫ້ອງ​ວ່າການ​ປົກຄອງ ​ແລະ ສະຖານ​ທີ່ ​ແຫຼ່ງທ່ອງ​ທ່ຽວ ປາກ​ເສັດ ​ໃນ​ວັນ​ດຽວ​ກັນ.